Long-Life Prayer for Pewar Rinpoche—Tibetan

༄༅། །མཆོག་སྤྲུལ་དཔེ་ཝར་རིན་པོ་ཆེའི་ཞབས་བརྟན་གསོལ་འདེབས།

ཨོཾ་སྭ་སྟི།

བསླུ་མེད་རིན་ཆེན་གསུམ་གྱི་བྱིན་རླབས་ཀྱིས། །

འཆི་མེད་འོད་གསལ་གཉུག་མའི་གཏེར་མཛོད་ཆེ། །

ཏིང་འཛིན་རྡོ་རྗེའི་ཐབས་ཀྱིས་འབྱེད་པའི་མགོན། །

སྐུ་ཚེ་ཡུན་བརྟན་བཞེད་དོན་ལྷུན་གྲུབ་ཤོག །

ཅེས་པའང་༧སྐྱབས་མཆོག་གཟན་དཀར་རིན་པོ་ཆེའི་བཀའ་ལྟར་རིག་འཛིན་ཆེན་པོའི་སྤྲུལ་མིང་པས་ས་ཟླའི་དུས་བཟང་ལ་སྙིང་ནས་སྨོན་པས་སྐུ་ཚེ་རྡོ་རྗེའི་ཆོས་བདུན་གྱི་ངོ་བོར་བརྟན་ཅིང་རླབས་ཆེན་ཕྲིན་ལས་རྒྱ་མཚོའི་གོས་ཅན་ཡོངས་སུ་ཁྱབ་པའི་རྒྱུར་གྱུར་ཅིག། །།