Prajñāpāramitā Visualization and Recitation—Tibetan

༄༅། །ཡུམ་ཆེན་བསྒོམ་བཟླས་མདོར་བསྡུས་ནི།

སྐྱབས་སེམས་སྔོན་འགྲོས།

ཨཱཿ སྣང་སྲིད་དག་པའི་ཞིང་ཆེན་པོའི། །

དབུས་སུ་པདྨ་ཟླ་བའི་སྟེང་། །

ཡུམ་ཆེན་ཤེར་ཕྱིན་གསེར་གྱི་མདོག །

ཞལ་གཅིག་ཕྱག་བཞི་དང་པོ་གཉིས། །

གཡས་པ་རྡོ་རྗེ་གཡོན་པུ་སྟི། །

ཐ་མ་གཉིས་ཀྱིས་མཉམ་བཞག་མཛད། །

དར་དང་རིན་ཆེན་རྒྱན་གྱིས་མཛེས། །

རྡོ་རྗེའི་སྐྱིལ་མོ་ཀྲུང་གིས་བཞུགས། །

གནས་གསུམ་འབྲུ་གསུམ་ཐུགས་དབུས་སུ། །

པད་ཟླར་ཐུགས་སྲོག་ཨཱཿཡིས་མཚན། །

དེ་མཐར་སྔགས་ཀྱི་ཕྲེང་བས་བསྐོར། །

འོད་འཕྲོས་དོན་གཉིས་བསྒྲུབ་པར་བསམ། །

གཱ་ཏེ་བཟླས།

ཏདྱ་ཐཱ། ཨོཾ་ག་ཏེ་ག་ཏེ་པཱ་ར་ག་ཏེ། པཱ་ར་སཾ་ག་ཏེ། བོ་དྷི་སྭཱ་ཧཱ།

བསྙེན་པ་བྱེད་ན་འབུམ་བཞི་བཟླ། །

རྗེས་ལ།

ལྷར་སྣང་འོད་གསལ་ངང་ལ་བཞག །

དགེ་བསྔོ་སྨོན་ལམ་བྱའོ། །

ཅེས་པའང་གླེ་དགོན་ཕུར་རྒྱལ་བསྐུལ་ངོར་ཆོས་ཀྱི་བློ་གྲོས་པས་སོ།། །།