莲师多吉卓罗修法·成就⼀切事业

༄༅། །དཔལ་ཆེན་རྡོ་རྗེ་གྲོ་ལོད་ཀྱི་རྒྱུན་འཁྱེར་ཕྲིན་ལས་ཀུན་འགྲུབ།

莲师多吉卓罗修法·成就⼀切事业

法王晋美彭措造

ན་མོ་གུ་རུ་པདྨ་ཧེ་རུ་ཀ་ཡ།

那莫革日班玛黑日嘎雅！¹

འདིར་སྤྲོས་པ་མེད་པའི་གང་ཟག་གིས་སྐྱབས་སེམས་སོགས་སྔོན་དུ་འགྲོ་བར་བྱས་ལ།

于此，无戏论之行者首先皈依、发心……

ཧཱུྃ། སྣོད་བཅུད་རྣམ་དག་ཀུན་བཟང་ཡུམ་གྱི་ཀློང༌། །

吽, 器情清净普贤佛母界，

ཀུན་སྣང་སྙིང་རྗེ་ཀུན་བཟང་ཡབ་ཀྱི་དལ། །

普明大悲普贤佛父坛，

ཟུང་འཇུག་སྲས་མཆོག་བདེ་ཆེན་བྱང་ཆུབ་སེམས། །

双运胜子大乐菩提心，

རྣམ་པ་ཧཱུྃ་ཡིག་སྨུག་ནག་མཁའ་ལ་ཤར། །

紫黑吽字形相空中现，

འོད་འཕྲོས་དོན་གཉིས་བྱས་ནས་ཚུར་འདུས་པ། །

放光行持二利复回摄。

དཔལ་ཆེན་སྤྱི་དཔལ་རྡོ་རྗེ་གྲོ་བོ་ལོད། །

明观主尊莲师卓吾罗，

དམར་སྨུག་ཞལ་གཅིག་ཕྱག་གཉིས་སྤྱན་གསུམ་བགྲད། །

红褐一面二臂睁三目，

སྨར་སྨིན་རལ་བ་དམར་སེར་གནམ་དུ་གཟེངས། །

红黄须发眉毛竖上空，

ཨམ་གཙིགས་བསྡམས་པའི་ཚེམས་ཀྱི་གངས་རི་ལས། །

牙关紧咬利齿雪山中，

སྐྱིན་ཐང་ཟོལ་སྣའི་རྒྱལ་བསེན་དམ་སྲི་ཡི། །

暴风骤雹令鬼魅冤魂，

ལྔ་ཕུང་དྲ་བ་ཆོས་ཀྱི་དབྱིངས་སུ་བསྟིམས། །

五蕴网罟消融于法界。

ཕྱག་གཡས་གནམ་ལྕགས་རྡོ་རྗེ་མཁའ་ལ་ཕྱར། །

右手天铁金刚挥空中，

ཁྲོ་ཆུང་ཐོག་ཆར་དགྲ་བོའི་ཐོག་ཏུ་འབེབས། །

微小怒尊霹雳降敌头，

ཕྱག་གཡོན་གནམ་ལྕགས་ཕུར་བུ་གདེངས་པའི་རྩེར། །

左手擎起天铁橛之顶，

ལྷོག་ལྷོག་འབར་བའི་མེ་དཔུང་འཕྲུལ་འཁོར་གྱིས། །

熊熊炽燃烈火幻化轮，

གནོད་བྱེད་བགེགས་ཚོགས་གཞི་མེད་གཞོབ་ཐུལ་བསྲེགས། །

能害魔众无遗焚成灰。

རབ་འཇིགས་སྟག་མོ་དྲུས་མ་འགྱིང་བའི་སྟེང༌། །

极怖傲然有孕母虎上，

ཞབས་གཉིས་གྱད་ཀྱི་འདོར་སྟབས་ཚུལ་དུ་བགྲད། །

双足叉开大力士步姿。

ཞི་བའི་ཆས་རྫོགས་འདུང་མ་དཀར་པོ་དང༌། །

圆满息业装束白内衣，

རྒྱས་པའི་ཆས་རྫོགས་ཆོས་གོས་འཆོལ་བར་མནབས། །

圆满增业装束著法衣，

དབང་གི་ཆས་རྫོགས་བེར་སྨུག་ལྷབ་ལྷུབ་གསོལ། །

圆满怀业装束披紫氅，

དྲག་པོའི་ཆས་རྫོགས་མགོ་ཕྲེང་སེ་རལ་བྱས། །

圆诛业装头鬘斜挎肩，

ཁྲོ་གཏུམ་རྔམ་པ་དྲག་པོའི་སྐུ་རུ་གསལ། །

忿怒悍然威猛之身相。

དེ་ཡི་སྤྱི་གཙུག་པད་ཟླ་རིམ་བརྩེགས་སྟེང༌། །

彼之头顶莲月层积上，

བརྒྱུད་གསུམ་བླ་མའི་བྱིན་རླབས་འཇའ་འོད་འཁྲིགས། །

三传上师加持虹光绕，

བར་གྱི་ཆ་ལ་རྒྱུད་སྡེ་བཞི་དྲུག་གི །

中间之处四续六续部，

ཡི་དམ་ཚོགས་ཀྱིས་དངོས་གྲུབ་ཆར་སྤྲིན་གཏིབས། །

本尊会众悉地雨云布，

འོག་གི་ཆ་ལ་གནས་གསུམ་མཁའ་འགྲོ་ཡི། །

下方之处三境空行母，

བདེ་སྟོང་འོད་དམར་འདུ་འཕྲོ་ཀྱི་ལི་ལི། །

空乐赤光散收明耀耀，

མཐའ་སྐོར་སྡེ་གསུམ་སྲུང་མའི་ཚོགས་རྣམས་ཀྱི། །

周围三部一切护法众，

རླུང་ནག་འཁྲིགས་པས་ཕྲིན་ལས་རྣམ་བཞི་སྒྲུབ། །

黑风呼啸成办四事业。

ཀུན་ཀྱང་རོ་མཉམ་ཡེ་ཤེས་གཅིག་གི་ངང༌། །

一切平等一味一智性，

མཁའ་ཁྱབ་སྒྱུ་འཕྲུལ་དྲྭ་བའི་རྣམ་པར་སད། །

起现遍布虚空幻网相，

གདོད་ནས་དམ་ཚིག་ཡེ་ཤེས་གཉིས་མེད་པ། །

本来誓言本智无有二，

བདེ་སྟོང་ཀློང་ཡངས་ཆེན་པོའི་རྒྱན་དུ་ཤར། །

显现空乐广大界庄严。

གཙོ་འཁོར་ཡོངས་རྫོགས་ཧཱུྃ་སྒྲ་བསྒྲགས་པ་ཡིས། །

主尊眷属普皆传吽声，

སྣང་བ་ཐམས་ཅད་ཧཱུྃ་གི་གཟུགས་སུ་གྱུར། །

一切显现变成吽形相，

སྒྲ་གྲགས་ཐམས་ཅད་ཧཱུྃ་གི་སྒྲ་སྐད་དེ། །

一切声响变成吽音声，

དྲན་རྟོག་ཐམས་ཅད་མཉམ་ཉིད་ཧཱུྃ་གི་ངང༌། །

一切知念等性吽本性，

རེ་དོགས་འཛིན་ཞེན་མེད་པའི་ངང་ནས་བཟླ། །

无有希忧执著境界诵：

ཧཱུྃ་ཧཱུྃ་ཧཱུྃ།

吽吽吽……

ཐུན་མཐར་ཧཱུྃ་རྣམས་ལྷ་ལ་ཐིམ། །

结座诸吽融本尊，

འཁོར་རྣམས་གཙོ་བོའི་ཐུགས་ཀར་བསྡུ། །

眷属收于主尊心，

གཙོ་བོ་ཕྱག་རྒྱ་གཅིག་པའི་སྐུ། །

主尊唯一手印身，

གསལ་དག་བརྟན་གསུམ་ཚང་བ་ཡིས། །

明净稳固皆齐全。

རྒྱུན་གྱི་སྤྱོད་ལམ་ལ་འཇུག་བྱ། །

平时威仪当行持。

ས་མ་ཡ།

萨玛雅！

ཤཱཀྱའི་དགེ་སློང་ལེགས་བཤད་བཟང་པོ་ངས། །
ཤེས་རབ་ཚུལ་ཁྲིམས་གཙང་མའི་རྒྱན་འཆང་ནས། །
བསྟན་འགྲོའི་དོན་ཆེན་བསྒྲུབ་པར་བྱ་བ་ལས། །
སྦས་དོན་ཟབ་མོ་སྙིང་ལ་སྦ་སྙམ་ཡང༌། །
པདྨའི་བདེན་ཚིག་སྨོན་ལམ་མཐུ་བཙན་པས། །
གསང་ཚིག་ཁ་ཤས་ངག་གི་ལམ་ནས་ཐལ། །
ཟབ་པ་ས་གཏེར་རྒྱས་པ་དགོངས་གཏེར་གྱི། །
ཆོས་མཛོད་དུ་མའི་བདག་པོར་གྱུར་ཟིན་ཀྱང༌། །
ཟབ་ཆོས་སྤེལ་བའི་སྣོད་ལྡན་རྙེད་དཀའ་བས། །
སྨྲ་བ་མང་པོའི་སྤྲོས་པ་བསྐྱུང་བར་བྱ། །
མ་འོངས་རྡོ་རྗེ་ཐོགས་མེད་རྩལ་ཞེས་པས། །
ཆོས་འདི་བཏོན་ནས་བསྟན་འགྲོར་སྨན་པར་ཤོག །
ཅེས་ཉམས་མཚར་དུ་སྨྲས་སོ། །

释迦比丘勒西桑波我，
佩有清净戒慧之装饰，
唯一成办弘法利生业。
本想甚深真义藏心中，
莲师谛实语及愿力强，
部分密语不由脱口出。
我虽已成众深地伏藏，
广大密意伏藏之法主，
弘扬深法法器难得故，
当舍随意多言之戏论。
祈愿未来多吉土美匝，
开取此法弘法利有情。

ཞེས་པ་འདི་ནི་གུ་རུ་རྡོ་རྗེ་གྲོ་ལོད་ཀྱིས་བདུད་དང་དམ་སྲི་མ་ལུས་པ་བཏུལ་བའི་གནས་མཆོག་འབྲུག་སྤ་གྲོ་སྟག་ཚང་དཔལ་ཕུག་ཏུ་ཐོན་སྐབས། ཟབ་པ་སའི་གཏེར་ཁ་གྲོ་ལོད་བདེ་གཤེགས་ཡོངས་འདུས་ཀྱི་སྒྲུབ་སྐོར་རྒྱས་པ་ལས་ལུས་དཀྱིལ་སྙིང་པོ་ཙམ་མཁའ་འགྲོའི་བརྡ་ཡིས་བསྐུལ་བ་དོན་ཡོད་བྱ་ཕྱིར་ཡི་གེར་སྤེལ་བས་བསྟན་འགྲོའི་རྒུད་པ་མ་ལུས་པ་འཇོམས་པའི་རྒྱུར་གྱུར་ཅིག མངྒ་ལཾ། རབ་བྱུང་བཅུ་བདུན་པའི་ལྕགས་རྟ་ཟླ་༧ཚེས་༢༣ལའོ།། །།

此甚深地伏藏《集善逝之卓罗广修法》中《身坛城略修》，是朝拜忿怒莲师多吉卓罗无余降伏魔与冤魂之胜地不丹巴卓达仓山洞（虎穴）时，经空行表示劝请，为利众生而立成文字，愿成为无余摧毁弘法利生违缘障碍之因，愿增吉祥！十七胜生周铁马年七月二十三日

索达吉堪布译