堪钦慈诚罗珠仁波切祈祷文
༄༅། །མཁན་ཆེན་དམ་པ་ཚུལ་ཁྲིམས་བློ་གྲོས་མཆོག་གི་གསོལ་འདེབས་དད་པའི་མཛེས་རྒྱན་བཞུགས།
堪钦慈诚罗珠仁波切祈祷文
——信心之妙饰
齐美仁增堪布 造
མདོ་སྔགས་ཆོས་ཀྱི་ཆུ་བོ་མ་ལུས་པ། །
所有显密正法江河流，
མཁྱེན་པའི་རྒྱ་མཚོ་གཅིག་ཏུ་འཁྱིལ་བ་ཡི། །
汇聚入一遍知智慧海，
འཇམ་དཔལ་དབྱངས་དངོས་མི་ཕམ་རྒྱ་མཚོ་ལ། །
真实文殊麦彭降措尊，
གསོལ་བ་འདེབས་སོ་ཡེ་ཤེས་སྤྱན་གྱིས་གཟིགས། །
至诚祈祷慧眼观视我。
མགོན་དེའི་ཐུགས་ཀའི་དམར་སེར་དྷཱི་ཡིག་གི །
麦彭心间德字事业光，
འཕྲིན་ལས་འོད་ཟེར་གདུལ་བྱའི་དཔལ་དུ་ཤར། །
所化有情心前现吉祥，
འབྲེལ་ཚད་དོན་ལྡན་ཡིད་བཞིན་ནོར་བུ་ཡི། །
结缘具义法王如意宝，
བྱིན་རླབས་འོད་ཀྱིས་ཚེ་རབས་ཀུན་ཏུ་སྐྱོངས། །
加持之光世世常护我。
རྣམ་དག་ཚུལ་ཁྲིམས་དཔག་བསམ་ལྗོན་པ་ལ། །
清净戒律如意妙树上，
ཐོས་བསམ་སྒོམ་པའི་བློ་གྲོས་ཡལ་འདབ་རྒྱས། །
闻思修之智慧叶繁茂，
གངས་ལྗོངས་འཆི་མེད་ལྷ་ཡི་སྐྱེད་ཚལ་གྱི། །
清凉雪域天界喜林苑，
ལྟོས་བཅས་འགྲོ་བའི་མགོན་དེར་གསོལ་བ་འདེབས། །
无边众生怙主我祈祷。
ཡོན་ཏན་ལང་ཚོ་གཞན་དང་མི་མཉམ་པའི། །
胜妙功德韶华无等伦，
ཐུགས་བསྐྱེད་དུས་བབས་པདྨ་དཀར་པོ་ཁྱེད། །
应时大悲誓愿白莲您，
མདོ་ཁམས་ཏྲེ་ཤོད་འཛིན་མའི་བསོད་ནམས་ཀྱིས། །
多康炉霍众生福所感，
ཐུབ་བསྟན་སྨན་ལྗོངས་མཛེས་པའི་རྒྱན་དུ་འཁྲུངས། །
严饰圣教福地而降诞。
གསང་ཆེན་དབེན་པའི་རི་ངོགས་ཉམས་དགའ་བར། །
大密寂静山谷欢喜处，
སྐྱབས་མཆོག་བླ་མ་འཇམ་པའི་རྡོ་རྗེའི་ཞབས། །
最胜依怙文殊上师足，
མཉེས་པ་གསུམ་གྱིས་བསྟེན་ནས་ཐུགས་དགོངས་ལོན། །
三喜依止获得师心意，
ཤེས་བྱའི་ཆོས་ལ་རྨོངས་པ་མཐའ་ནས་སངས། །
尽除愚暗通达所知法。
མགོན་དེའི་སྒྲིབ་མེད་མཁྱེན་པའི་ཡེ་ཤེས་ཀྱིས། །
法王无碍遍知大智慧，
འབྱུང་འགྱུར་བསྟན་འགྲོའི་དཔལ་དུ་ཡོངས་གཟིགས་ནས། །
观照未来教众之义利，
སྔ་འགྱུར་བསྟན་པའི་བདག་པོ་བསམ་ཡས་པ། །
为其恩赐前译圣教主，
ཚུལ་ཁྲིམས་བློ་གྲོས་མཆོག་གི་མཚན་དེ་གསོལ། །
桑耶尊之慈诚罗珠名。
གངས་དཀར་རི་བོས་བསྐོར་བའི་རྒྱལ་ཁམས་ནས། །
洁白雪山环绕藏土中，
བསླབ་གསུམ་ཡོན་ཏན་ཡོངས་སུ་རྫོགས་པ་ལས། །
圆满具足三学功德已，
འཕྲིན་ལས་དྲི་བསུང་གོ་ལའི་འགྲོས་དང་འབྲེལ། །
利生事业妙香遍世界，
ཤར་ནུབ་རྒྱ་མཚོ་ཆེན་པོའི་མཐའ་ལས་བརྒལ། །
跨越东西大洋之边际。
ངུར་སྨྲིག་རྒྱན་གྱིས་མཛེས་པའི་ཀུན་སྤྱོད་དག །
法衣庄严行为极清净，
བསྟན་དང་འགྲོ་ལ་ཕན་པའི་ལྷག་བསམ་གཙང་། །
弘法利生意乐极纯正，
མདོ་སྔགས་ཤེས་བྱ་རིག་པའི་གནས་ལ་དབང་། །
显经密续明处得自在，
ཐར་བའི་ལམ་སྟོན་མཆོག་དེར་གསོལ་བ་འདེབས། །
引导解脱道尊我祈祷。
འཇིགས་རུང་ཁྲག་གི་ཡུར་ཆུ་བཞུར་ས་ན། །
可怖鲜血河渠流淌处，
སྡུག་བསྔལ་མཆི་མ་འཁྲིགས་པའི་སེམས་ཅན་གྱི། །
眼中含泪苦恼诸旁生，
སྲོག་གི་གཤེད་དུ་བརྡར་བའི་རལ་གྲིའི་སོ། །
宰杀其命所磨之刀刃，
སྙིང་རྗེའི་ཕྱག་གིས་བཀག་པའི་གྲངས་མི་ཟིན། །
您大悲手遮挡数难计。
མཐོན་པོའི་གསེར་ཁྲིའི་ཁ་ན་ཁྱེད་ཉིད་མེད། །
高高黄金法座您不坐，
འབྱོར་ཕྱུག་འདུ་ལོང་དབུས་ནས་ཁྱེད་མི་མཇལ། །
富贵繁荣场所未见您，
དམར་ནག་འདམ་རྫབ་གཡོ་བའི་ར་བ་ན། །
遍地黑血淤泥栅栏处，
ཉམ་ཐག་འགྲོ་བ་འདྲེན་པའི་མགོན་དུ་རྟག །
恒作拔救众生之怙主。
ལྷ་ཡིས་གནང་བའི་ངུར་སྨྲིག་ན་བཟའི་གོས། །
天尊所赐出家妙法衣，
འཚེ་མེད་དྲང་སྲོང་ཆེན་པོའི་ཆ་ལུགས་དེ། །
不害有情三世佛装束，
སྐྱབས་མེད་འགྲོ་བ་གང་ན་ཡོད་པའི་སར། །
任何无怙有情所在处，
མཐོང་བ་ཁྱེད་འདྲའི་སྐུ་ལ་ལྷག་ཏུ་མཛའ། །
目睹您之形相尤相符。
རིང་པོའི་ལོ་ཟླའི་ཁྲོད་ཀྱི་ལུས་སེམས་ཀུན། །
身心全体漫长岁月中，
སྙིང་རྗེ་ཉག་མ་གཅིག་གིས་གསོས་པ་ཡི། །
一颗利他大悲所滋养，
སེམས་དཔའ་ཁྱེད་ཀྱི་ཕྱག་གི་བརྐྱང་བསྐུམ་ཡན། །
下至菩萨您臂伸屈间，
མཐའ་དག་འགྲོ་བའི་དོན་དུ་མ་གྱུར་གང་། །
何有未成众生之利益？
དག་པ་ལྷ་ཡི་ཞིང་ནས་ཕེབས་ཚུལ་སོགས། །
不知您从净土再来等，
ལྐོག་གྱུར་སྐྱེས་རབས་མང་པོ་མི་ཤེས་ཀྱང་། །
本生圣行传海隐蔽事，
མངོན་གྱུར་ཡོན་ཏན་དེ་ཡིས་དད་གུས་འཕེལ། །
仅见现前功德敬信增，
མཚུངས་མེད་དྲིན་ཆེན་བླ་མར་གསོལ་བ་འདེབས། །
无等大恩上师我祈祷。
གངས་ཅན་བཅུ་ཕྲག་རིག་པའི་ཁང་བཟང་དེ། །
雪域十种明处妙宫殿，
ཆར་དང་རླུང་གིས་འཐོར་ལ་ཉེ་བའི་དུས། །
临近狂风暴雨摧坏时，
འཆད་རྩོད་རྩོམ་པའི་ཐབས་ཀྱིས་འཛིན་མཁས་ཁྱེད། །
善以讲辩著作护持者，
མཚུངས་མེད་དྲིན་ཆེན་བླ་མར་གསོལ་བ་འདེབས། །
无等大恩上师我祈祷。
ལུགས་གཉིས་མཛད་པ་གང་དང་གང་ལ་ཡང་། །
凡作何种世出世间事，
རང་འདོད་ཉེས་པ་ཕྲ་མོས་མ་གོས་པར། །
私欲罪恶微细亦不染，
སུ་ཡིས་བརྟགས་ཀྱང་སྐྱོན་དང་བྲལ་བ་ཁྱེད། །
何人观察皆无过失者，
མཚུངས་མེད་དྲིན་ཆེན་བླ་མར་གསོལ་བ་འདེབས། །
无等大恩上师我祈祷。
ཆོས་ཀྱི་རྒྱལ་པོ་དག་པའི་ཞིང་དུ་ཕེབས། །
法王已逝西方极乐刹，
སྐལ་བཟང་སློབ་མའི་རེ་བའི་སེམས་ཀྱི་རྟེན། །
善缘弟子心之依托处，
བསྟན་པའི་གཞི་མ་སྐྱོང་བའི་བརྒྱུད་འཛིན་ཁྱེད། །
守护传持圣教根本者，
མཚུངས་མེད་དྲིན་ཆེན་བླ་མར་གསོལ་བ་འདེབས། །
无等大恩上师我祈祷。
བླུན་རྨོངས་གཅན་གཟན་གཏུམ་པོའི་འཚོ་བ་བཞིན། །
犹如愚痴猛兽之生活，
ཤ་ཁྲག་ཟས་ལ་རྔམ་པའི་ཡུལ་ལྗོངས་འདིར། །
贪食众生血肉此藏土，
དཀར་ཟས་གཙང་མའི་སྲོལ་བཟང་སྤེལ་མཁན་ཁྱེད། །
素食传统善规推行者，
མཚུངས་མེད་དྲིན་ཆེན་བླ་མར་གསོལ་བ་འདེབས། །
无等大恩上师我祈祷。
ཕྱི་ཡི་ལོངས་སྤྱོད་ཅི་ཙམ་འཕེལ་བ་བཞིན། །
外在物质受用几许增，
ནང་གི་ངེས་འབྱུང་ཤུགས་ཀྱིས་སྲབ་པའི་དུས། །
内出离心随之减薄时，
འཁོར་བའི་རང་མཚང་གཏིང་ནས་རིག་པ་ཁྱེད། །
彻底照见轮回苦性者，
མཚུངས་མེད་དྲིན་ཆེན་བླ་མར་གསོལ་བ་འདེབས། །
无等大恩上师我祈祷。
ཐེག་ཆེན་ཆོས་ཀྱི་གྲལ་དུ་ཞུགས་ན་ཡང་། །
已入大乘圣法行列中，
ཉམས་ལེན་གནད་ལ་སློབ་མཁན་ཉུང་བའི་དུས། །
学修要诀之人鲜少时，
བྱང་ཆུབ་སེམས་ཀྱིས་ཐུགས་རྒྱུད་གང་བ་ཁྱེད། །
相续遍满菩提心宝者，
མཚུངས་མེད་དྲིན་ཆེན་བླ་མར་གསོལ་བ་འདེབས། །
无等大恩上师我祈祷。
མདོ་སྔགས་ཆོས་ཚུལ་རྒྱ་མཚོའི་ལམ་གྱི་གསང་། །
如海显密法道之秘密，
བློ་ལས་འདས་པ་ཆོས་ཉིད་ཟབ་མོའི་དོན། །
超离言思法性甚深义，
མཁྱེན་པའི་ཉི་མ་སྙིང་ནས་ཤར་བ་ཁྱེད། །
证悟慧日心中升起者，
མཚུངས་མེད་དྲིན་ཆེན་བླ་མར་གསོལ་བ་འདེབས། །
无等大恩上师我祈祷。
བསྐྱེད་རྫོགས་གདམས་པའི་ཟབ་གནད་མི་ཤེས་པར། །
不知生圆窍诀深要义，
དབང་ལུང་ཆོས་ཀྱི་ཐོབ་གྲངས་གསོག་པའི་དུས། །
唯积灌顶传承数量时，
ལྟ་སྒོམ་སྤྱོད་པའི་གནད་གསང་སྟོན་མཁན་ཁྱེད། །
见修行之关要指示者，
མཚུངས་མེད་དྲིན་ཆེན་བླ་མར་གསོལ་བ་འདེབས། །
无等大恩上师我祈祷。
ཐེག་པའི་ཡང་རྩེ་འོད་གསལ་རྫོགས་པ་ཆེའི། །
九乘之巅光明大圆满，
རྩོལ་མེད་ལམ་གྱི་འཕྲིན་ལས་མྱུར་བའི་དུས། །
无勤深道事业迅疾时，
དོན་བརྒྱུད་བྱིན་རླབས་རྟོགས་པའི་འབྱུང་གནས་ཁྱེད། །
证悟义传加持来源者，
མཚུངས་མེད་དྲིན་ཆེན་བླ་མར་གསོལ་བ་འདེབས། །
无等大恩上师我祈祷。
ཟབ་དགུའི་གདམས་ངག་མང་དུ་གནང་ན་ཡང་། །
纵使已赐诸多深窍诀，
འདོད་འབྱུང་ནོར་བུ་འདྲ་བའི་བྱང་ཆུབ་སེམས། །
如意宝般满愿菩提心，
བདག་འཛིན་སེམས་ཀྱི་གཉེན་པོར་འགྲོ་དཀའ་བས། །
仍然难以对治我执故，
ད་དུང་ཐུགས་རྗེས་སྐྱོངས་ཤིག་བླ་མ་རྗེ། །
请以大悲护念上师尊！
གོམས་པའི་དབང་གིས་གང་སར་རྒྱུག་པ་ཡི། །
犹如未调野马此妄念，
རྟ་རྒོད་ལོང་བ་འདྲ་བའི་རྣམ་རྟོག་འདི། །
串习力致随处而狂奔，
མཉམ་པར་བཞག་ཀྱང་བཀོལ་དུ་མི་བཏུབ་པས།
虽作禅修仍难役使故，
བྱིན་རླབས་ཞགས་པས་ཆོངས་ཤིག་བླ་མ་རྗེ། །
请以加持绳缚上师尊！
ཐེ་ཚོམ་མུན་པ་མཐའ་ནས་སངས་བ་ཡི། །
无边疑惑黑暗尽消除，
ཉ་གང་ཟླ་བ་འདྲ་བའི་རྟོགས་པ་ཞིག །
宛如圆满月轮之证悟，
མྱུར་དུ་སེམས་ཀྱི་ནམ་མཁར་ཤར་བ་ལ། །
自心虚空界中速升起，
བཙན་ཐབས་དགོངས་པ་སྤོར་ཅིག་བླ་མ་རྗེ། །
请以强力传心上师尊！
བར་ཆད་འཕྲང་ལས་བཟུར་ཐབས་མི་ཤེས་པའི། །
不知规避障碍险堕处，
ལམ་ཁའི་སྲིན་བུ་འདྲ་བའི་རྨོངས་པ་བདག །
路面小爬虫般愚痴我，
འགལ་རྐྱེན་ལོག་པའི་ལམ་དུ་འགྲོ་སྲིད་ན། །
若时行于逆缘邪道中，
བརྩེ་བའི་ཕྱག་གིས་སྐྱོབས་ཤིག་བླ་མ་རྗེ། །
请以悲手援救上师尊！
ནམ་འོང་འདིར་འོང་ཆ་འཇོག་མེད་པ་ཡི། །
好似空中霹雳死主魔，
ནམ་མཁའི་ཐོག་དང་འདྲ་བའི་འཆི་བདག་བདུད། །
此时彼时降临无定准，
ཉམ་ཆུང་སྲོག་གི་གཤེད་དུ་བབ་པའི་ཉིན། །
孱弱性命之敌到来时，
འདྲེན་པའི་དེད་དཔོན་མཛོད་ཅིག་བླ་མ་རྗེ། །
请作引路商主上师尊！
འདི་དང་ཕྱི་མ་བར་དོའི་གནས་སྐབས་དང་། །
无论此生来世与中有，
སྐྱིད་སྡུག་ལེགས་ཉེས་ལས་བསྐོས་གར་བབས་ཀྱང་། །
苦乐好坏业报何降临，
མགོན་པོ་གང་ལས་སྐྱབས་གཞན་མི་འདུག་པས། །
除怙主您无他归处故，
འབྲལ་མེད་ཐུགས་རྗེས་གཟིགས་ཤིག་བླ་མ་རྗེ། །
请以大悲恒视上师尊！
མཁྱེན་རྟོགས་འོད་ཀྱིས་མཛེས་པའི་ཟླ་བ་དེ། །
智慧光芒所饰明月您，
གང་དུ་སོང་ཡང་ཀུན་གྱི་གཙུག་གི་རྒྱན། །
随往何处皆为众顶严，
ང་ཅག་ལྟོས་བཅས་སྐྱེ་འགྲོའི་སྐྱབས་གནས་སུ། །
为作我等有情归依处，
བསྐལ་བ་རྒྱ་མཚོའི་བར་དུ་ཞབས་བརྟན་ཤོག །
祈愿无量劫海久住世。
བྱིས་པས་ཐོག་མའི་ཤེས་བྱ་སློབ་ཚུལ་ནས། །
孩童学习最初知识类，
རྒན་པོས་ཕྱི་མའི་འགྲོ་ཆས་སྒྲུབ་ཚུལ་སོགས། །
老人修积后世路粮等，
ལུགས་གཉིས་བླང་དོར་སྟོན་པའི་དེད་དཔོན་ཁྱེད། །
指导二规取舍商主您，
དུས་མཐའི་འགྲོ་བའི་སྒྲོན་མེར་ཞབས་བརྟན་ཤོག །
祈愿末世明灯久住世。
ངན་སྤྱོད་སྣ་དགུས་མ་མོ་འཁྲུགས་པ་ལས། །
种种恶行扰乱鬼魔众，
བཅོས་མེད་ནད་ཀྱིས་འཛམ་གླིང་ཕོངས་བའི་དུས། །
艾滋病等侵袭全球时，
འབད་པ་བརྒྱ་ཡིས་འགོག་པའི་ལྷག་བསམ་ཅན། །
百般精勤防艾宣传者，
མགོན་མེད་སྐྱེ་བོའི་གཉེན་དུ་ཞབས་བརྟན་ཤོག །
祈愿众生至亲久住世。
འདྲ་མིན་སྐད་དང་ཡིག་རིགས་འདྲེས་པ་ལས། །
不同语言文字相混杂，
ལུགས་གཉིས་སྲོལ་ཁའི་རྨང་རྡོ་བཤིག་པས་ན། །
摧毁传统二规地基时，
རང་སྐད་གཙང་མའི་ཆུ་རྒྱུན་མཐུད་པའི་མགོན། །
民族语言文化传承者，
བཅུ་ཕྲག་རིག་པའི་བདག་པོར་ཞབས་བརྟན་ཤོག །
祈愿十明之主久住世。
གངས་ལྗོངས་མདོ་སྔགས་ཆོས་ཀྱི་དགའ་ཚལ་དེ། །
雪域显密正法喜林苑，
ཟུངས་ཟད་ནད་པ་བཞིན་དུ་གྱུར་དུས་འདིར། །
已经宛如羸弱患者时，
སྣ་ཚོགས་ཐབས་ཀྱིས་འབད་པའི་བསྟན་འཛིན་མཆོག །
种种方便精勤持教者，
ཐུབ་བསྟན་མཛེས་པའི་རྒྱན་དུ་ཞབས་བརྟན་ཤོག །
祈愿圣教庄严久住世。
གནའ་དེང་རིག་པའི་མཐའ་རྒྱ་མ་ཆོད་པར། །
未曾博览古今文明事，
ཐོས་ཆུང་ལོག་པར་སྨྲ་བ་མང་བའི་དུས། །
浅见寡闻邪说纷纭时，
ཡིན་མིན་དྲང་ཤན་འབྱེད་ལ་ཚངས་པའི་ཐིག །
公正明辨是非准绳者，
ལེགས་བཤད་རྒྱ་མཚོའི་གཏེར་དུ་ཞབས་བརྟན་ཤོག །
祈愿善说海藏久住世。
འཇམ་དཔལ་དབྱངས་དངོས་བློ་གྲོས་མཚུངས་མེད་རྗེའི། །
真实文殊法王如意宝，
ཐུགས་བསྐྱེད་མཛད་འཕྲིན་ནམ་མཁའི་མཐའ་དང་མཉམ། །
悲愿事业等同虚空际，
འཕྲིན་ལས་གང་སར་སྤེལ་བའི་བྱེད་པོ་ཁྱེད། །
彼之事业遍地弘扬者，
བསྟན་དང་འགྲོ་བའི་དཔལ་དུ་ཞབས་བརྟན་ཤོག །
祈愿教众吉祥久住世。
བདག་སོགས་ཆོས་མེད་འཁོར་བའི་སེམས་ཅན་ལ། །
对于无有正法轮回众，
བླང་དོར་ལམ་གྱི་སྣང་བ་གསལ་བ་ཡི། །
照亮一切取舍之正道，
སྤྱི་བོའི་གཙུག་གི་ཉི་མ་ཁྱེད་ཡིན་པས། །
您乃我等头顶日轮故，
ཐར་འདོད་དད་པའི་རྟེན་དུ་ཞབས་བརྟན་ཤོག །
祈愿信心依处久住世。
བསླུ་མེད་རིན་ཆེན་གསུམ་གྱི་བདེན་པ་དང་། །
愿以无欺三宝谛实力，
རྩ་གསུམ་དམ་ཅན་སྲུང་མའི་བྱིན་རླབས་ཀྱིས། །
三根本海护法加持力，
མཚུངས་མེད་བླ་མའི་ཞབས་པད་ཡུན་བརྟན་ཞིང་། །
无等大恩上师久住世，
མཛད་འཕྲིན་སྣང་བས་ཞིང་འདི་མཛེས་གྱུར་ཅིག །
事业光明遍地皆庄严。
ཅེས་པ་འདི་ཆོས་རྗེ་བླ་མ་བཀའ་དྲིན་ཅན་གྱི་ཉེ་གནས་དམ་པ་བསོད་དོན་སོགས་དབེན་གནས་བླ་མ་ལུང་གི་སྒྲུབ་སྡེར་བཞུགས་པའི་གྲྭ་འཁོར་དག་གི་ཐུགས་བཞེད་ལྟར། བཅུ་ཕྲག་རིག་པའི་མངའ་བདག་མཁན་ཆེན་དམ་པ་མཆོག་ཉིད་སྐུ་ཚེ་ཡུན་དུ་བརྟན་ཞིང་། མཛད་འཕྲིན་ཕྱོགས་མཐར་རྒྱས་པའི་ཤིས་སྨོན་དུ་དད་ཅིང་གུས་པའི་བློས་བླ་རུང་ཆོས་སྡེ་ཆེན་པོའི་སྐྱབས་འོག་པ་འཆི་མེད་རིག་འཛིན་གྱིས་བྱང་པ་རྡོ་རྗེ་བྲག་གི་དགོན་གནས་སུ་སྨྲས་པ་བཞིན་མཁན་མཆོག་གྲུབ་ལ་ཡི་གེར་ཕབ་ཏུ་བཅུག་པ་དགེ།
此文乃遵照大恩上师圣者法王如意宝的侍者索顿等——居住喇嘛隆静处禅修道场、堪钦慈诚罗珠仁波切的弟僧众之心愿，所造的大小五明之主堪钦慈诚罗珠仁波切长久住世、事业兴盛十方的吉祥愿文。于北传康定金刚寺，喇荣大道场的归依弟子——齐美仁增心怀敬信口述，请秋珠堪布记录成文。善哉！ 2022 年 8 月 10 日。
益西彭措堪布 译
