Young Lady Rutro—Tibetan

༄༅། །རུས་ཀྲོས་ཚང་གི་ཆུང་མ།

ལེས་ཁྲན་ཞེས་པའི་ཡུལ་ཁམས་ཞིག་ན་རུས་ཀྲོས་ཅན་གྱི་ཆུང་མས་ལོ་སུམ་ཅུའི་རིང་ལ་དམ་ཆོས་ཁ་འདོན་བྱས། མོས་ནམ་རྒྱུན་རྡོར་གཅོད་ཁ་འདོན་བྱེད་སྐབས་སངས་རྒྱས་དང་བྱང་ཆུབ་སེམས་དཔའ་མང་པོ་མོའི་མདུན་དུ་བྱོན་པ་མཐོང་ནས། མོ་འདུག་མི་ཕོད་པར་ཡར་བཞེངས་ནས་འདོན་པར་བྱེད། རྗེས་ནས་ཉིན་བཞི་བཅུའི་རིང་ལ་ཆུ་ཁམ་གཅིག་ཙམ་དང་ཟས་འབྲུ་གཅིག་མུད་དུ་མ་སོང་། ཐེངས་གཅིག་རྨི་ལམ་དུ་རབ་བྱུང་གསུམ་གྱིས་མེ་ཏོག་པདྨ་ཞིག་ལག་ཏུ་བཟུང་ནས་ཁྱིམ་དུ་འོང་སྟེ་མོ་ལ། པདྨ་འདི་ངས་ཁྱོད་ཀྱི་ཚབ་བྱས་ཏེ་རྨོས། དེ་ནས་ཁྱོད་ཀྱང་འདི་རུ་ཕྱི་ལ་ཐོན་འོང་ཞེས་གསུངས་བ་རྨིས། སད་རྗེས་དགའ་སྤྲོ་ཚད་མེད་པ་སྐྱེས། མོས་རབ་བྱུང་རྣམས་རང་ཁྱིམ་དུ་གདན་དྲངས་ནས་ཆོས་འདོན་པར་བྱས། མོ་ས་དེ་ཉིད་དུ་དབྱིངས་སུ་ཞི་སོང་ངོ༌།། །།མཁན་མོ་ཟླ་བ་སྒྲོལ་མས་རྒྱ་ནག་གི་ཡི་གེ་ལས་བོད་ཡིག་ཏུ་བསྒྱུར།།