The Story of Lady Hren—Tibetan

༄༅། །ཧྲེན་ཚང་གི་མནའ་མ།

ཆན་ཐང་ཞེས་པའི་ཡུལ་གྲུ་ཞིག་ཏུ་ཧྲེན་ཚང་གི་མནའ་མས་ཉིན་བཞིན་མི་ཆད་པར་འོད་དཔག་མེད་པའི་མདོ་ཁ་འདོན་བྱེད་པ་དང་འོད་མཚན་ཡང་ནམ་རྒྱུན་དུ་ངག་དང་མ་བྲལ་བར་བཏོན། ཉིན་ཞིག་མོ་ནད་ཅིག་གིས་མནར་བར་གྱུར། མོས་ལུས་ཁྲུས་གཙང་མར་ཞིག་བརྒྱབ། ཁ་ནུབ་ཕྱོགས་སུ་འཁོར་ཞིང་ལག་གཉིས་ཐལ་མོ་སྦྱར་ཏེ་ཁྱིམ་མི་རྣམས་ལ་ཁྱེད་ཚོས་བདེ་ཆེན་དག་པའི་ཞིང་གི་ཆོས་སྒྲ་ཐོས་སམ། བདག་གིས་གསལ་བོ་ཐོས། སྤྱན་རས་གཟིགས་དབང་བདག་ལ་བསུ་བ་ལ་ཕེབས་ཉེ་ཞེས་བཤད། ཅུང་ཙམ་ནས་མོའི་གདོང་ལ་དགའ་སྤྲོ་ཚད་མེད་པའི་ཉམས་དང་བཅས་ཐལ་མོ་སྦྱར་ནས་ཁྱིམ་མི་རྣམས་ལ་བདག་བསུ་བ་ལ་སངས་རྒྱས་དང་བྱང་ཆུབ་སེམས་དཔའ་རྣམས་ཕེབས་འདུག །སྤྱན་རས་གཟིགས་དབང་གིས་ཕྱག་ཏུ་གསེར་གྱི་པདྨའི་གདན་ཐོག་ཏེ་བདག་གདན་འདྲེན་བཞིན་ཡོད་པས་བདག་ད་འགྲོ་རན་ཟེར་བཞིན་ཚེ་ལས་འདས། མཁན་མོ་ཟླ་བ་སྒྲོལ་མས་རྒྱ་ནག་གི་ཡི་གེ་ལས་བོད་ཡིག་ཏུ་བསྒྱུར།།