Spontaneously Arisen Song—Tibetan

༄༅། འབྲས་ལྗོངས་སྟག་རྩེ་ཕོ་བྲང་ནས་ཐོལ་བྱུང་དུ་བྲིས་པའི་མགུར།

ཨ་ཧོ་ཡེ།
གཞི་སྐྱེ་མེད་ཀྱི་ཀློང་ནས། །
ལམ་འགགས་མེད་ཞིག་བགྲོད་ན། །
འབྲས་སྐྱེ་མེད་དེ་ཐོབ་འོང་། །
ལྷ་བཙུན་སྨྱོན་པའི་བུ་བརྒྱུད། །
བྱར་མེད་ཀུན་གཞིའི་ཐང་ལ། །
རང་གསལ་རིག་པའི་རྟ་ཕོ། །
ཡེ་ཤེས་རྐང་པའི་འགྲོས་ལྡན། །
ཞོན་ནས་སྲིད་ཞིའི་ཐང་བརྒལ། །
ཆོས་སྐུའི་རྒྱལ་ཁམས་ཡངས་པར། །
ལྟད་མོ་ལྟ་རུ་འགྲོའོ། །

ཞེས་པའང་དབྱུག་ཟླ་ཕྱི་མའི་ཚེས་ཉེར་དགུ་ལ་འབྲས་ལྗོངས་སྟག་རྩེ་ཕོ་བྲང་ནས་ཐོལ་བྱུང་དུ་དྲན་པ་དགེའོ།། །།