Rigdzin Düpa Retreat Guide—Tibetan
༄༅། །ཀློང་ཆེན་སྙིང་ཐིག་གི་རྩ་བ་གསུམ་གྱི་བསྙེན་སྒྲུབ་བྱ་བའི་རིམ་པ་གྲུབ་བརྙེས་རིག་འཛིན་གོང་མའི་གཤེགས་ཤུལ་ཞེས་བྱ་བ་བཞུགས།
ཨོཾ་སྭཱསྟི་སིདྡྷི།
འཁོར་འདས་དག་མཉམ་དབྱིངས་སུ་རོལ་བའི་རིག་འཛིན་བླ་མ་མཚོ་སྐྱེས་རྗེ། །
བཀའ་བརྒྱད་ཀྱི་སྒྲུབ་པ་སྤྱི་འདུས་ཡི་དམ་ལྷ་མཆོག་དཔལ་ཆེན་ལྷ། །
མཆོག་གི་བདེ་ཆེན་ཡེ་ཤེས་སྟེར་མཛོད་དུས་གསུམ་རྒྱལ་ཡུམ་མཁའ་འགྲོའི་གཙོ།
རྣམ་ཀུན་སྤྱི་གཙུག་རྒྱན་དུ་རོལ་ཞིང་མཆོག་ཐུན་དགེ་ལེགས་ཤིས་པ་སྩོལ། །
འདིར་རྫོགས་པ་ཆེན་པོ་ཀློང་ཆེན་སྙིང་ཐིག་གི་རྩ་བ་གསུམ་གྱི་བསྙེན་སྒྲུབ་ཇི་ལྟར་བྱ་བའི་ཚུལ་ལ། དེ་ཡང་རྒྱུད་སྒྲུབ་ཐབས་དང་འབྲེལ་བ། སྒྲུབ་ཐབས་ཆོག་བསྒྲིགས་དང་འབྲེལ་བ། ཆོག་བསྒྲིགས་ཕྱག་བཞེས་དང་འབྲེལ་བ་ཞིག དགོས་པར་གསུངས་པས། འདིར་སྐབས་སུ་བབ་པ་རྡོ་གྲུབ་ཆེན་མཆོག་གི་ཕྱག་བཞེས་ཁོ་ན་ལྟར་བསྙེན་མཚམས་ཀྱི་ཟིན་བྲིས་ཞིབ་གསལ་དུ་འགོད་པ་ལ།
དེ་ཡང་ཐོག་མར་རྡོ་རྗེའི་སློབ་དཔོན་མཚོན་ཉིད་དང་ལྡན་པའི་དྲུང་ནས། ཀློང་ཆེན་སྙིང་ཐིག་གི་ཆོས་ཀ་འདི་རྣམས་ཀྱི་དབང་ལུང་ཁྲིད་གསུམ་ལེགས་པར་མནོས་ནས། དད་པ་དང་དམ་ཚིག་ལ་གནས་པས་བསྐྱེད་རྫོགས་ཀྱི་ལམ་ལ་འཇུག་པའི་ཚུལ་ལུགས་མ་ནོར་བར་ཤེས་ཤིང་ལམ་ཐུན་མོང་བས་རྒྱུད་ལེགས་པར་འབྱོངས་བའི་གང་ཟག་གང་ཞིག་གིས། གང་དུ་བསྒྲུབ་པའི་གནས་ནི།
གནས་ཡུལ་བྱིན་ཅན་དང་། ཁྱད་པར་ཨོ་རྒྱན་ཆེན་པོ་སོགས་གྲུབ་ཐོབ་གོང་མ་རྣམས་ཀྱི་ཞབས་ཀྱིས་བཅགས་པའི་སྒྲུབ་གནས་རྣམས་ནི་མཆོག་ཏུ་བསྔགས་པ་ཡིན།
གནས་ཁང་གསར་པ་ཡིན་ན།
དགྲ་འདྲེས་དབང་དུ་མ་བྱས་པའི་གནས་སོགས་འགལ་རྐྱེན་མེད་པའི་སྐབས་བཙལ་ཞིང་བདག་བསྐྱེད་སྔོན་དུ་འགྲོ་བས་ས་ཆོག་བྱ་བ་ནི།
སའི་ལྷ་མོ་དང་། གཉུག་མར་གནས་པ་སོ་སོ་ལ་གསེར་སྐྱེམས་དང་གཏོར་མ་དཀར་ཟླུམ་མཐེབ་སྐྱུ་རིལ་བུས་མཚན་པ་རེ་དང་ཉེར་སྤྱོད་བཅས་བཤམ།
བདག་གི་རྣལ་འབྱོར་ལ་སྙེམས་པས། ས་ལྷའི་གཏོར་མ་བསངས་སྦྱངས།
ཨོཾ་བཛྲ་ཨ་མྲྀཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ།
ཨོཾ་སྭ་བྷཱ་ཝ་ཤུདྡྷ་སརྦ་དྷརྨཿསྭ་བྷཱ་ཝ་ཤུདྡྷོ་ཧཾ།
ཨོཾ་ཨཱཿཧཱུྃ
གིས་བྱིན་གྱིས་བརླབས། བསྡུ་རྒྱ་སེ་གོལ་གཏོགས་པ་དང་བཅས།
པྲྀ་ཐཱི་དྷི་ཝཱི་ས་མཱ་ཛཿ
སའི་ལྷ་མོ་སེར་མོ་བུམ་པ་འཛིན་པ་དོ་ཤལ་དང་རྐང་གདུབ་ཀྱི་སྒྲ་སྒྲོགས་པ་ས་བདག་ཀླུ་གཉན་གྱི་འཁོར་དང་བཅས་པ་སྤྱན་དྲངས།
ཨཱོྃ་པྲི་ཐཱི་དྷི་ཝཱི་ཨརྒྷཾ་པཱ་དྱཾ་པུཥྤེ་དྷུ་པེ་ཨཱ་ལོ་ཀེ་གནྡྷེ་ནཻ་ཝི་དྱཱ་ཤཔྟ་པྲ་ཏཱི་ཙྪ་ཡེ་སཱ་ཧཱས་མཆོད།
སྐྱོབ་བ་སངས་རྒྱས་ཐམས་ཅད་ཀྱིས། །
སྤྱོད་པའི་ཚུལ་དང་ཁྱད་པར་དང་། །
ས་དང་ཕ་རོལ་ཕྱིན་རྣམས་ལ། །
ལྷ་མོ་་ཁྱོད་ནི་དཔང་དུ་རྒྱུར།
ཤཱཀྱ་སེང་གེ་སྐྱོབ་པ་ཡིས། །
ཇི་ལྟར་བདུད་ཀྱི་སྡེ་བཅོམ་པ། །
དེ་བཞིན་བདག་གིས་བདུད་སྡེ་ལས། །
རྒྱལ་བར་བྱས་ཏེ་དཀྱིལ་འཁོར་བྲི། །
བདག་རྡོ་རྗེ་འཛིན་པས་སེམས་ཅན་ཐམས་ཅད་ཀྱི་དོན་དུ་ས་ཕྱོགས་འདིར་དཀྱིལ་འཁོར་ཆེན་པོ་བཞེང་གིས།
སའི་ཕྱོགས་འདི་བདག་ལ་གནང་བར་མཛོད་ཅིག
ཅེས་བརྗོད་པས། དེས་ཀྱང་རིག་པ་འཛིན་པ་ཁྱོད་ཅི་དགའ་བར་བྱོས་ཤིག་ཅེས་གནང་བ་བྱིན་པར་བསམ།
གཉུག་མར་གནས་པ་ལ།
ༀ་ཨ་ཀཱ་རོ་མུ་ཁཾ་སརྦ་དྷརྨ་ནཱཾ་ཨཱ་དྱ་ནུཏྤནྣ་ཏྭ་ཏ་ཨོཾ་ཨཱཿཧཱུྃ་ཕཊ་སྭཱ་ཧཱ། ལན་གསུམ་གྱིས་བསྔོས་ལ།
གང་དག་འདིར་གནས་ལྷ་དང་ཀླུ། །
གནོད་སྦྱིན་སྲིན་པོ་གཞན་དག་ལ། །
ས་འདི་བདག་གིས་བསླང་བར་བགྱི། །
དཀྱིལ་འཁོར་དོན་དུ་སྩལ་དུ་གསོལ། །
མཆོད་སྦྱིན་གཏོར་མ་འདི་བཞེས་ལ། །
རྣལ་འབྱོར་བདག་ཅག་འཁོར་བཅས་ལ། །
ནད་མེད་ཚེ་དང་དབང་ཕྱུག་དང༌། །
དཔལ་དང་གྲགས་དང་སྐལ་པ་བཟང༌། །
ལོངས་སྤྱོད་རྒྱ་ཆེན་ཀུན་ཐོབ་ཅིང༌། །
ཞི་དང་རྒྱས་ལ་སོགས་པ་ཡི། །
ལས་ཀྱི་དངོས་གྲུབ་བདག་ལ་སྩོལ། །
དམ་ཚིག་ཅན་གྱིས་བདག་ལ་སྲུངས།
དངོས་གྲུབ་ཀུན་གྱི་སྡོངས་གྲོགས་མཛོད། །
དུས་མིན་འཆི་དང་ནད་རྣམས་དང༌། །
གདོན་དང་བགེགས་རྣམས་མེད་པར་མཛོད། །
རྨི་ལམ་ངན་དང་མཚན་མ་ངན། །
བྱ་བྱེད་ངན་པ་མེད་པར་མཛོད། །
འཇིག་རྟེན་བདེ་ཞིང་ལོ་ལེགས་དང༌། །
འབྲུ་རྣམས་འཕེལ་ཞིང་ཕྱུགས་འཕེལ་བ། །
དགེ་ལེགས་ཕུན་སུམ་ཚོགས་པའི་གནས། །
ཡིད་ལ་འདོད་པ་ཀུན་འགྲུབ་ཤོག །
བཛྲ་མུཿས་མགྲོན་རྣམས་རང་གནས་སུ་གཏང་།
གཞི་དེའི་ཁོར་ཡུག་ཏུ་ལག་མཐིལ་གཡས་ཀྱི་སོར་མོ་རྣམས་ཕྲལ་བ་བསྐོར་ཞིང་།
ཨཱོྃ་ཧ་ན་ཧ་ན་ཧཱུྃ་ཕཊ།
ཅེས་བརྗོད་པས་དེ་ལས་འོད་ཟེར་བྱུང་སྟེ་མ་དག་པ་ཐམས་ཅད་སྦྱངས་པར་བསམ།
ཨཱོྃ་བྷཱུ་ཁཾ་ཀྱིས།
ས་ཕྱོགས་ཐམས་ཅད་ནམ་མཁའི་རང་བཞིན་དུ་གྱུར།
ཨཱོྃ་མེ་དི་ནི་བཛྲ་བྷནྡྷ་བྷནྡྷ་ཧཱུྃ་ཕཊ་ཅིས་རྡོ་རྗེའི་གཞིར་གྱུར།
ཨཱོྃ་བཛྲ་རཀྵ་རཀྵ་ཧཱུྃ་ཕཊ་ཀྱིས་བསྲུང་བར་བྱའོ། །
ཞེས་ས་ཆོག་ཚུལ་ལྡན་བྱ། སྒྲུབ་གནས་རྙིང་པ་ལ་མི་དགོས།
སྤྱིར་བསྙེན་མཚམས་ཀྱི་སྔོན་དུ་བསོད་ནམས་ཀྱི་དཔུང་བསྐྱེད་པ་ཞེས་དཀོན་མཆོག་ལ་མཆོད་པ། །ཀློང་སྙིང་བསང་བརྔན་ཆོ་ག སྡེ་བརྒྱད་མཆོད་པ། གྲུབ་རྒན་གསུང་ཉམས་ཆག་སྐོང་བཤགས་ཀྱི་ཆོ་ག་རྣམ་གྲོལ་ལམ་བཟང་།
ཁྱད་པར་གནས་ཀྱི་ཤར་དུ་ཆོས་ཉིད་ཀྱི་དོན་རྟོགས་ཕྱིར་ཤེར་ཕྱིན། བདུད་འཇོམས་ཕྱིར་ལྷོར་སྟོབས་པོ་ཆེ། རྒྱུ་འབྲས་གོ་ཕྱིར་ནུབ་ཏུ་ལང་གཤེགས། བར་ཆད་ཞི་ཕྱིར་བྱང་དུ་ཏོག་གཟུངས་རྣམས་ཀྱི་མདོ་སྒྲོགས་པ། སཱཙྪ་གདབ་པ། སྲོག་བསླུ་ཉེའུའདོན་པ། ལམ་འཕྲང་འཆོས་པ། ཆ་གསུམ། ཆུ་གཏོར་སོགས་ཅི་ནུས་བྱས་ན་དེས་རྒྱུད་འབྱོངས་ཤིང་སྒྲུབ་པ་ལ་བར་ཆད་མི་འཇུག་པ་དང་དངོས་གྲུབ་མྱུར་བའི་དགོས་པཡོད།
དེ་ནས་གཟའ་སྐར་དུས་སྦྱོར་ལེགས་པའི་ཐོག་གནས་ཁང་ཕྱི་དོར་བྱ་ཞིང་། དཀོན་མཆོག་སྤྱན་འདྲེན་པའི་འདུ་ཤེས་བཟང་པོས་སྐུ་གསུང་ཐུགས་ཀྱི་རྟེན་བྱིན་རླབས་ཅན་ཡོད་ན་བཀྲམ།
སྟེགས་བུ་བང་རིམ་གཉིས་པ་ཁེབས་ལྡན་གྱི་དང་པོར་རྩ་བ་གསུམ་གྱི་རྟེན་གཏོར་རྒྱན་སྤྲོས་དར་གདུགས་ཅན། མདུན་དུ་རིག་འཛིན་འདུས་པའི་རྡུལ་ཚོན་ནམ་རས་བྲིས་ཀྱི་དཀྱིལ་འཁོར་བཤམས་པའི་དབུས་སུ་མཉྫིའི་ཁར་སྒྲུབ་གཏོར་སྐུ་ཙཀ་གིས་བརྒྱན་པ་དར་གདུགས་སེར་པོས་ཕུབ། བང་རིམ་གཉིས་པར་བཀའ་སྲུང་མཆོད་གཏོར་རྣམས་དང་། དེའི་གཡས་སུ་ཆད་ཐོ་དང་གཡོན་དུ་བསྟན་མའི་གཏོར་མ་རྒྱུན་བཞག འོག་མར་སྐོང་བཤགས་རྡོ་རྗེ་ཐོལ་གླུའི་གཏོར་མ་དང་གཡས་གཡོན་སྨན་རཀ ༼བསྙེན་མཚམས་མ་གྲོལ་བར་དུ་སྨན་རག་གི་སྣོད་ཁེབས་བསྙོལ་ནས་འགེབས་སྲོལ་ཡོད།༽ མདུན་དུ་ཉེར་སྤྱོད་ལ་སོགས་པ་མཐོ་དམའ་གོ་རིམ་ལྟར་བཤམ།
རྒྱུན་དུ་མཆོད་པ་རྣམས་ཁ་གསོ་དགོས་པས་མི་བརྗེད་པར་བྱ། དུས་ཆེན་རྣམས་སུ་མཆོད་པ་རྙིང་པ་རྣམས་ཕྱིར་མི་འདོར་བར་ཕྱོགས་གཅིག་ཏུ་བསྡུས་ཏེ་གསར་དུ་བརྗེ།
དཀར་བགེགས་ཆད་བསྟན་གཏོར་མ། ཆོགས་རྫས་ཤ་ཆང་སོགས་ཀྱང་འདུ་བྱས། གཏོར་མ་དང་མཆོད་པ་རྣམས་བཤམས་མ་ཐག་བྱིན་རླབས་མ་བྱས་པར་ཞག་གིས་ཆོད་ན་བགེགས་འཇུག་པར་གསུངས་པས་ཆབ་གཙང་གིས་བྲན་ཏེ་སྤོས་འདུག་ཅིང་མཆོད་རྫས་བྱིན་རླབས་ཟུར་གསལ་ལྟར་བྱ།
དཀྱིལ་འཁོར་དང་ཞལ་སྤྲོད་དུ་རང་གི་སྟན་འོག་ཏུ་འབྲས་སམ་ས་དཀར་གྱིས། རྡོ་རྗེ་རྒྱ་གྲམ་ནི་ཕྱག་རྒྱ་ལ་སྨད་པའི་ཉེས་པ་འབྱུང་ཉེ་བས་གཡུང་དྲུང་གཡས་བསྐོར་འབྲི་ཞིང་རྩྭ་ཀུ་ཤ་རྩེ་མོ་མདུན་བསྟན་དུ་ཅུང་ཟད་ཀྱང་བཀྲམ།
སྒོ་དྲུང་དུ་ཐོ་དཀར་པོ་བརྩིགས་པ་ལ་རྒྱལ་ཆེན་བཞིའི་སྐུའམ།
ཨཱོཾ་དྷྲྀ་ཏ་རསྟྲ་སྭཱ་ཧཱ། ཨཱོཾ་བེ་རུ་དྷ་ཀ་སྭཱ་ཧཱ། ཨཱོཾ་བེ་རུ་བཱཀྵ་སྭཱ་ཧཱ། ཨཱོཾ་བཻ་ཤྲ་མ་ཎ་སྭཱ་ཧཱ།
ཞེས་སྔགས་བྱང་རབ་གནས་ཅན་ཅོད་པན་དང་བཅས་པ་བཙུགས། ཤིང་བྱང་ལྟ་བུར་སྟེང་དུ་རྡོ་རྗེ་རྭ་གདེངས་པ་ཞིག་དང་།
ཆོས་སྐྱོང་བའི་རྒྱལ་པོ་ཆེན་པོ་སྡེ་བཞི་འཁོར་དང་བཅས་པ་ཁྱེད་རྣམས་རྟེན་འདིར་བཞུགས་ལ།
ཕྱིའི་བར་ཆད་ནང་དུ་མི་གཏོང་།
ནང་གི་དངོས་གྲུབ་ཕྱིར་མི་ཡལ་བའི་ཕྲིན་ལས་མཛོད་ཅིག
ཨཱོཾ་སུ་པྲ་ཏིཥྛ་བཛྲ་ཡེ་སྭྰ་ཧྰ།
ཞེས་དང་གཤམ་དུ་སྡིག་ཐམ་བཅས་བྲིས་ལ། ཉེ་ལོགས་སྣོད་གཅིག་ཏུ་རྒྱལ་ཆེན་སྡེ་བཞིའི་གཏོར་མ་དང་གསེར་སྐྱེམས་བཅས་འདུ་བྱ།
དེ་ནས་གཟའ་སྐར་དུས་ཚེས་ལེགས་པར་ལྷ་དབང་དུ་བྱ་བའི་རྟེན་འབྲེལ་ཡོད་པས་དགོང་མོ་དབང་གི་དུས་སུ་མཚམས་ཀྱི་མགོ་འཛིན་དགོས་པས།
ཕྱི་དྲོའི་ཆར་བག་ཕེབས་པར་འདུག་ལ། རང་གི་མདུན་དུ་གཡས་ཕྱོགས་ནས་བརྩམས་ཏེ་ནས་བཟེད། ཡུངས་ཐུན། ཌཱ་མ་རུ། དྲིལ་བུ། རྡོ་རྗེ། ནང་མཆོད། ལས་བུམ་བཅས་བཤམ།
ཐོག་མར་བཀྲ་ཤིས་བརྒྱད་པ། ཚིག་བདུན་སྤྱན་འདྲེན། བླ་བརྒྱུད་གསོལ་འདེབས་རྣམས། ལས་བུམ། བརྒྱུད་འདེབས། རྡོར་དྲིལ་བྱིན་བརླབ།
རིག་འདུས་གཞུང་གི་སྐྱབས་སེམས། ཡན་ལག་བདུན་པ། ཚོགས་ཞིང་བསྡུ། སྔོན་གཏོར་སྡེ་བརྒྱད་མཆོད་པའམ། དཀར་གཏོར་བྱིན་བརླབ་མཐར།
གང་དག་འདིར་གནས་
སོགས་གང་རུང་བྱ། བགེགས་གཏོར་བྱིན་བརླབ་བྱས་ནས་ལས་གཞུང་ལྟར་གཏོང་ཞིང་བགེགས་བསྐྲད། གུ་གུལ་གྱིས་བདུག ཡུངས་ཐུན་གྱིས་བྲབ། གཏོར་མ་ཕྱི་རོལ་དུ་བསྐྱལ།
རྒྱལ་ཐོའི་སར་ཕྱིན། ཐོ་གཏོར་གསེར་སྐྱེམས་ཉེར་སྤྱོད་བཅས་བཤམས་པ་ལ་ཆབ་བྲན།
རཾ་ཡཾ་ཁཾ་གིས་བསངས་སྦྱངས།
ཨོཾ་ཨཱཿཧཱུྃ་ཧོཿས་བརླབས།
ཨཱོཾ་དྷྲྀ་ཏ་རསྟྲ་ཧཱུྃ་ཛཿ ཨཱོཾ་བེ་རུ་དྷ་ཀ་ཧཱུྃ་ཛཿ ཨཱོཾ་བེ་རུ་བཱཀྵ་ཧཱུྃ་ཛཿ ཨཱོཾ་བཻ་ཤྲ་མ་ཎ་ཧཱུྃ་ཛཿ
ཤར་དུ་རྒྱལ་པོ་ཆེན་པོ་ཡུལ་འཁོར་སྲུང་སྐུ་མདོག་དཀར་བོ་ཞི་ཞིང་བརྗིད་པའི་ཆས་ཅན་པི་ཝཾ་བསྣམས་པ།
ལྷོ་རུ་རྒྱལ་པོ་ཆེན་པོ་འཕགས་སྐྱེས་བོ་སྐུ་མདོག་སྔོན་པོ་ཅུང་ཟད་ཁྲོ་ཉམས་བརྗིད་པའི་ཆས་ཅན་རལ་གྲི་བསྣམས་པ།
ནུབ་ཏུ་རྒྱལ་པོ་ཆེན་པོ་སྤྱན་མི་བཟང་སྐུ་མདོག་དམར་པོ་འཛུམ་ཞིང་བརྗིད་པའི་ཆས་ཅན་སྦྲུལ་ཞགས་དང་མཆོད་རྟེན་བསྣམས་པ།
བྱང་དུ་རྒྱལ་པོ་ཆེན་པོ་རྣམ་ཐོས་སྲས་སྐུ་མདོག་སེར་པོ་བཞད་ཅིང་བརྗིད་པའི་ཆས་ཅན་བེ་ཅོན་དང་ནེའུ་ལེ་བསྣམས་པ་འཁོཪ་དང་བཅས་པའི་སྐུར་གྱུར།
རང་གི་སྙིང་ག་ནས་འོད་ཟེར་འཕྲོས་པས་རི་རབ་ཀྱི་ཕྱོགས་བཞི་ནས་རྒྱལ་པོ་ཆེན་པོ་སྡེ་བཞི་འཁོར་དང་བཅས་པ་བཛྲ་ས་མཱ་ཛཿས་སྤྱན་དྲངས།
ཛཿཧཱུྃ་བཾ་ཧོཿས
རྟེན་དང་དབྱེར་མེད་དུ་བཞུགས་པར་གྱུར་པར་བསམ།
ཨཱོཾ་དྷྲྀ་ཏ་རསྟྲ་ཧཱུྃ་ཛཿ ཨཱོཾ་བེ་རུ་དྷ་ཀ་ཧཱུྃ་ཛཿ ཨཱོྃ་བེ་རུ་བཱཀྵ་ཧཱུྃ་ཛཿ ཨཱོཾ་བཻ་ཤྲ་མ་ཎ་ཧཱུྃ་ཛཿ
ས་པ་རི་ཝཱ་ར་བཛྲ་ཨརྒྷཾ་པཱདྱཾ་པུཥྤེ་དྷཱུཔེ་ཨཱ་ལོ་ཀེ་གནྡྷེ་ནཻ་ཝི་དྱ་ཤཔྟ་པྲ་ཏཱི་ཙྪ་སྭཱ་ཧཱས་ཉེར་སྤྱོད་དང་།
ཨཱོཾ་དྷྲྀ་ཏ་རསྟྲ་ཧཱུྃ་ཛཿ ཨཱོཾ་བེ་རུ་དྷ་ཀ་ཧཱུྃ་ཛཿ ཨཱོཾ་བེ་རུ་བཱཀྵ་ཧཱུྃ་ཛཿ ཨཱོཾ་བཻ་ཤྲ་མ་ཎ་ཧཱུྃ་ཛཿ
ས་པ་རི་ཝཱ་ར་ཨོཾ་ཨ་ཀཱ་རོ་མུ་ཁཾ་སརྦ་དྷརྨ་ནཱཾ་ཨཱ་དྱ་ནུ་ཏྤནྣ་ཏྭ་ཏ་ཨཱོཾ་ཨཱཿཧཱུྃ་ཕཊ་སྭཱ་ཧཱ
ཞེས་ལོན་གསུམ་གྱིས་གཏོར་མ་ཕུལ་ལ། བཞི་ཆོད་ཀྱིས།
ཧཱུྃ། རི་རབ་གླིང་བཞིའི་ཕྱོགས་བཞི་ནས། །
དཔལ་ལྡན་རྒྱལ་པོ་སྡེ་བཞི་བོ། །
ཕྱོགས་བསྲུང་རེ་བ་བསྐང་བའི་ཕྱིར། །
འདིར་བྱོན་མཆོད་སྦྱིན་གཏོར་མ་བཞེས། །
དྲི་ཟ་གྲུལ་བུམ་ཀླུ་དབང་དང་། །
གནོད་སྦྱིན་གདོན་རྣམས་མཚམས་ཆོད་ཅིག།ཅེས་ཕྲིན་ལས་བཅོལ།
ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ།
ཞེས་མེ་ཏོག་འཐོར་བས།
རྒྱལ་པོ་ཆེན་པོ་སྡེ་བཞི་སོ་སོའི་དཔུང་དང་བཅས་པ་སྒྲུབ་ཁང་གི་ཕྱོགས་བཞིར་བཞུགས་ནས་སྲུང་བ་མཚམས་ཀྱི་ལས་མཛད་པར་གྱུར་པར་བསམ།
དེ་ནས་སྒོ་བསྡམ། ཕྱི་ནང་གི་རྒྱུ་འགྲུལ་བཅད།
ནང་དུ་ལོག་ནས་ལས་གཞུང་ལྟར་སྲུང་འཁོར་བསྒོམ་ཞིང་། བྱིན་འབེབས། མཆོད་རྫས་བྱིན་བརླབ། ལྷ་བསྐྱེད་སོགས་དཀྱུས་བཞིན་འདོན། བཟླས་པའི་མཐར་མཆོད་བསྟོད་ཡིག་བརྒྱ། གསོལ་ཁ། སྤྲོ་ན་ཚོགས་མཆོད་བྱ།
མཐར་གཞུང་གི་གཏང་རག་མཆོད་བསྟོད་ནས་བཀྲ་ཤིས་བར་འདོན། བཀྲ་ཤིས་ཀྱི་ཚིགས་སུ་བཅད་པ་ཇི་ལྟར་རིགས་པ་བརྗོད།
དེ་ཕྱིན་ཆད་བསྙེན་ཁྲིད་གསུང་བའི་སྒྲུབ་བླ། སྒྲུབ་གཡོག སྨན་པ། གསོ་སྦྱོང་འདུན་དག་ལེན་མཁན། ཆབ་ཁང་དང་ཆུ་གློག་བཟོ་མཁན་སོགས་ཇི་ཙམ་དགོས་ཡོད་ཀྱི་རྡེའུ་བགྲང་ནས་དམིགས་འོག་ཏུ་བཅུག་པ་འདི་ཙམ་ལས་ངོ་གསར་དང་གཏན་ནས་མི་འཕྲད། དམིགས་རྡེའུ་ནམས་རྒྱལ་ཐོའི་ཟུར་དུ་འཇོག
ཆས་ཀའི་གཏོང་ལེན་སྤང་། སྲུང་མའི་གཏོར་བསྔོས་སྐབས་རྒྱལ་ཆེན་བཞི་ལ་ལས་སྔགས་ཙམ་གྱིས་ཕུལ་བའམ་དམིགས་པས་ཁྱབ་པ་བྱུང་ན་ལེགས།
སྲུང་འཁོར་འདི་མཚམས་གྲོལ་རྒྱུའི་ཐུན་ཐ་མའི་ཚེ་མ་གཏོགས་མི་བསྡུ་ཞིང་། ཐུན་སོ་སོའི་མགོར་གསལ་སྣང་འདོན་སྐྱོར་བྱས་བས་བར་ཆད་མི་འཇུག་པའི་དགོས་པ་ཡོད་གསུངས་སོ།
༈ གཉིས་པ་དངོས་གཞི་ལ།
ཞལ་འདོན་གནང་ཚུལ་དེ་ཡང་སྒྲིགས་ལ་ཕབ་ནས་འདོན་དགོས་པས་ཐུན་གྲོལ་བསྡམས་ཀྱི་བརྡོ་གྲུབ་ཆེན་ཚང་གི་ཕྱག་བཞེས་སུ་རྔ་ཟིལ་འབེབས་བཞག་རོལ་གཅིག་བརྡུང་བའི་སྲོལ་ཡོད་ཀྱང་། སྒྲུབ་སྡེ་པདྨ་འོད་གླིང་འདིར་ནི་ཐུན་དཔོན་གྱིས་འཁར་རྔེའུ་ཟིལ་འབེབས་མཐར་ལན་གཉིས་བརྡུང་དུས་ཐམས་ཅད་ཀྱིས་ཐུན་བསྡམས་ཤིང་། གྲོལ་དུས་ཀྱང་དེ་མཚུངས་བྱ།
ཐོག་མར་ཞག་བདུན་སོགས་སུ་ཐུན་བཞིར་ཕྱེ་བའི་ཐོར་ཐུན་ལ། ཀློང་སྙིང་སྔོན་འགྲོའི་ཐོག་མར་ཐོ་རངས་ལྡང་བའི་རྣལ་འབྱོར་
ཆོས་ཐམས་ཅད་རང་བཞིན་གྱིས༴
ལུས་གནད་ལེགས་པར་བཅས་ཏེ་རླུང་རོ་དགུ་ཕྲུགས་བསལ་ལ།
ཨོཾ་ཨཱཿཧཱུྃ། ལྕེ་དབང་རཾ་ཡིག་སོགས་ངག་བྱིན་རླབས།
བླ་མ་མཁྱེན། ལན་གསུམ།
སྙིང་དབུས་དད་པའི་
སོགས་བླ་མ་རྒྱང་འབོད་ནས་བཟུང་། སྐྱབས་སེམས། རྡོར་སེམས། མཎྜལ། ཀུ་སུ་ལུའི་ཆོགས་བསག་རྣམས་ཤར་སྒོམ་གྱི་ཚུལ་དུ་སོང་ནས། བླ་མའི་རྣལ་འབྱོར་ལ་ཐུག་པ་ན་སིདྡྷི་ཅི་མང་བཟླས་ཤིང།
མཐར་དབང་བཞི་རླང་བ་ལ་ཡང་ཡང་བརྩོན་པར་བྱས་པས་ཉམས་ཆག་དག་ནས་ཐུགས་རྗེའི་བྱིན་རླབས་འཇུག་ཅིང་སྒྲུབ་པ་མཐར་ཕྱིན་པའི་རྟེན་འབྲེལ་གནད་ཆེ།
ཐུན་ཕྱི་མ་རྣམས་ལ་
བླ་མ་རིན་པོ་ཆེ་བདག་གི་ལུས་ངག་ཡིད་གསུམ་གྱི་སྒྲིབ་པ་སྦྱོང་ཞིང་སྐུ་གསུང་ཐུགས་ཀྱི་དངོས་གྲུབ་ཐོབ་ནས། ཚེ་འདི་ཉིད་ལ་སངས་རྒྱས་ཐོབ་པར་བྱིན་གྱིས་བརླབ་ཏུ་གསོལ།
སོགས་ནས།
ད་རེས་དམྱལ་བ་ནས་དབུ་བཟུང་བས་ཆོག
སྲོད་ཐུན་གྱི་མཐར་དཔལ་རིའི་སྨོན་ལམ་འདོན།
དེ་ནས་བླ་མ་རིག་འདུས་ཀྱི་བསྙེན་སྒྲུབ་དབུ་འཛུགས་པ་ལ་ཐོར་ཐུན། སྔ་ཐུན། ཕྱི་ཐུན། སྲོད་ཐུན་ཏེ་བཞི་ལས།
དང་པོ་ཐོར་ཐུན་ལ།
ཆུ་ཚོད་གསུམ་པ་ནས་དྲུག་པའི་བར་གྱི་འདོན་རིམ་ནི། ཀློང་སྙིང་སྔོན་འགྲོའི་ངག་འདོན་ཐོ་རངས་ལྡང་བའི་རྣལ་འབྱོར། རླུང་རོ་དགུ་ཕྲུགས་བསལ། ངག་བྱིན་རླབས།
བླ་མ་མཁྱེན་སོགས་ནས།
ཐམས་ཅད་ཕྱམ་གཅིག་སངས་རྒྱས་ཐོབ་པར་ཤོག
ཧཱུྃ ཨོ་རྒྱན་ཡུལ་གྱི༴
ཧཱུྃ་ཧཱུྃ་ཧཱུྃ རྗེ་བཙུན་ཆེན་པོ༴
ཨེ་མ་ཧོཿ སྤྲོས་བྲལ་ཆོས་ཀྱི༴
ཨེ་མ་ཧོ། མཚོ་དབུས་གེ་སར༴
ཨོ་རྒྱན་རིན་པོ་ཆེ་ལ༴
དུས་གསུམ་སངས་རྒྱས༴
མགོན་པོ་སྲིད་ཞིའི༴
ན་མོ་ཤྲཱི་གུ་ར་ཝེ་། བདེ་གཤེགས་སྙིང་པོ་༴
ཀུན་བཟང་རྡོར་སེམས་༴
ལས་བུམ་དུ་ཁྲོ་རྒྱལ་དམེ་བ་བརྩགས་པ་༴
རིགས་བརྒྱའི་དབང་ཕྱུག༴
ༀ་མ་ཧཱ་བཛྲ་༴
རང་གི་སྙིང་གའི་ཧཱུཾ་གི༴
ལྷུག་འདོན་གྱིས་
ན་མཿ བདག་དང་མཐའ་ཡས་༴ལན་གསུམ།
ཧོཿ རིག་འཛིན་དཀྱིལ་འཁོར་༴ལན་གསུམ།
ཧོཿ ཚུ་ལས་ཆུ་བུར་༴
ཛཿཧཱུྃ་བྃ་ཧོཿ ཚོགས་ཞིང་༴
དཀར་བགེགས་གཏོར་མ་བསྔོ་ན་བྱིན་བརླབ་སྔོན་འགྲོས། བཞི་ཆོད་ཀྱིས་
གང་དག་འདིར་གནས་
སོགས་མཐར་ཌཱ་དྲིལ་འཁྲོལ། བགེགས་ལ་བཞི་ཆོད་ཀྱིས་ཌཱསྣ་བཅས།
ཧྲཱིཿ སྣོད་བཅུད་སྤྲུལ་པའི་
སོགས་ནས།
གཏོར་མ་ལོངས་ལ་སོགས་སམ། མེད་ན་
གནས་འདིར་མ་འདུག་གཞན་དུ་དེངས་ཞེས་བསྒྱུར།
ཨཱོཾ་སུཾ་བྷ་ནི་༴
ཨཱོཾ་བཛྲ་མ་ཧཱ་ཀྲོ་དྷ་༴
གནོད་བྱེད་བགེགས་ཚོགས་༴
ཧྲཱིཿ སྣང་སྲིད་དག་པ་༴
མཚམས་གཅད་དོ་
ཞེས་སྲུང་འཁོར་ལེགས་བར་གསལ་བཏབ།
རང་མདུན་ནང་མཆོད་ཁེབས་བསལ་ལ། ཌཱ་བཅས་
ཧཱུྃཿ སྤྲོས་བྲལ་ཆོས་སྐུའི་སོགས་ནས།
ཨོཾ་ཨཱཿཧཱུྃཿ བིདྱ་དྷཱ་ར་སོགས་ཌཱ་རུ་ཚར་གཅིག་བཅད་ནས།
ཡང་ཌཱ་བཅས་
ཨོཾ་ཨཱཿཧཱུྃཿ སྣང་སྲིད་ཐམས་ཅད་༴
ལྷུག་འདོན་གྱིས་
ཧཱུྃཿ མ་བཅོས་རིག་པ་༴
ཌཱ་བཅས་
ཧཱུྃཿ སྔོན་གྱི་བསྐལ་པའི་༴
ཧཱུྃཿ ཐབས་ཀྱིས་བསྐྱེད་པའི༴
ཧཱུྃཿ ལྷ་ཉིད་རང་ལ་༴
ཌཱ་བཅས་
ཨོཾ་ཨཱཿཧཱུྃཿ ཕྱི་ནང་སྣོད་བཅུད་༴
ནང་མཆོད་ཁ་བཅད།
ཧྲཱིཿ མ་བཅོས་སྤྲོས་བྲལ་༴
ལྷུག་འདོན་གྱིས་
ཐུགས་ཀར་པདྨ་༴
ཨ་ཨཱུ་སོགས་དབྱངས་གསལ་རྟེན་སྙིང་ལན་གསུམ།
ༀ་རུ་ཙི་པྲ་མར་ཏ་ན་ཡེ་
སོགས་ལན་གསུམ་མཐར།
ཨོཾ་སུ་པྲ་ཏིཥྛ་༴
ཞེས་ཕྲེང་བ་བྱིན་རླབས་བྱས་ནས་ཕྲེང་བ་ས་རྗེན་དུ་མི་བཞག་གཞན་ལ་མི་སྟོན། དྲོད་དང་མི་འབྲལ་བར་བྱེད་ཅིང་། བཤང་གཅི་སོགས་ལ་འགྲོ་དུས་ཕྲེང་བ་ཁྲོ་ཞལ་དུ་བསམ་པས་སྟན་སྲུང་ཞིང་། དུས་རྒྱུན་དུ་སྟན་དྲོད་དང་མི་འབྲལ་བར་བསྙེན་སྒྲུབ་
ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔
ཞེས་བཟླ་ཞིང་བསྙེན་པའི་གྲངས་གཟུང་། ཐུན་འཇོག་རན་པ་ན།
ཨོཾ་ཨཱཿཧཱུྃ་བཛྲ་མ་ཧཱ་གུ་རུ་
སོགས་ཅུང་ཟད་བཟླས་པའི་མཐར།
ནད་གདོན་འཇིགས་བརྒྱད་༴
ཨ་ཨཱ་སོགས་དབྱངས་གསལ་ཡིག་བརྒྱ་རྟེན་སྙིང་ལན་གསུམ།
ནང་མཆོད་ཁེབས་བསལ་ལ། ཌཱ་བཅས་
ༀ་ཨཱཿཧཱུྃཿ ཕྱི་ནང་སྣོད་འཆུད་༴
ནང་མཆོད་ཁ་བཅད། བཞི་ཆོད་ཀྱིས་
ཧྲཱིཿ མ་བཅོས་སྤྲོས་བྲལ་༴
སྐུ་གསུམ་རྡོ་རྗེ་འཆང་ལ་ཕྱག་འཆོལ་བསྟོདཿ
གཞན་ཡང་རིག་འཛིན་༴
ཧཱུྃཿ རིག་འཛིན་འདུས་པའི་༴
ༀ་བཛྲ་ས་ཏྭ་ས་མ་ཡ་སོགས
ཨོཾ། འདིར་ནི་རྟེན་དང་༴
ཧོཿ ཆུ་ལས་ཆུ་བུར་༴
ཧོཿ དུས་གསུམ་བསགས་པའི་༴
ལན་གསུམ། ཌཱ་བཅས་
ཧོཿ རིག་འཛིན་བརྒྱུད་པའི་༴
སངས་རྒྱས་བསྟན་པ་དར་ཞིང་རྒྱས་པར་ཤོག །
སེམས་ཅན་ཐམས་ཅད་བདེ་ཞིང་སྐྱིད་པར་ཤོག །
ཉིན་དང་མཚན་དུ་ཆོས་ལ་སྤྱོད་པར་ཤོག །
རང་གཞན་དོན་གཉིས་ལྷུན་གྱིས་འགྲུབ་པར་ཤོག །
ཀུན་བཟང་རྡོ་རྗེ་འཆང་ཆེན་མན་ཆད་ནས། །
དྲིན་ཅན་རྩ་བའི་བླ་མ་ཡན་ཆད་ཀྱིས། །
འགྲོ་བའི་དོན་དུ་སྨོན་ལམ་གང་བཏབ་པ། །
དེ་དག་ཐམས་ཅད་བདག་གི་འགྲུབ་པར་ཤོག །
བསྟན་པའི་དཔལ་གྱུར་བླ་མའི་ཞབས་པའི་བརྟན། །
བསྟན་འཛིན་སྐྱེས་བུས་ས་སྟེང་ཡོངས་ལ་ཁྱབ། །
བསྟན་པའི་སྦྱིན་བདག་མངའ་ཐང་འབྱོར་པ་རྒྱས། །
བསྟན་པ་ཡུན་རིང་གནས་པའི་བཀྲ་ཤིས་ཤོག
སོགས་ཀྱིས་ཐོར་ཐུན་གྲོལ་ནས། ཞོགས་ཇ་བཞེས།
གཉིས་པ་སྔ་ཐུན་ལ།
ཆུ་ཚོད་བརྒྱད་པ་ནས་བཅུ་གཅིག་བར་གྱི་འདོན་རིམ་ནི།
ཧཱུྃ༔ ཨོ་རྒྱན་ཡུལ་གྱི
གུ་རུ་པདྨ་སིདྡྷི་ཧཱྃ༔
ཌཱ་དྲིལ་འཁྲོལ།
ཨེ་མ་ཧོཿ སྤྲོས་བྲལ་ཆོས་ཀྱི་
སོགས་ནས་གསོལ་འདེབས་ལེའུ་བདུན་མ། བསམ་པ་ལྷུན་གྲུབ། བསམ་པ་མྱུར་གྲུབ།
ཨོ་རྒྱན་རིན་པོ་ཆེ་ལ་༴
དུས་གསུམ་སངས་རྒྱས་༴
རིགས་བརྒྱའི་དབང་ཕྱུག་༴
རང་གི་སྙིང་གའི༴
ན་མཿ བདག་དང་མཐའ་ཡས་
སོགས་སྐྱབས་སེམས། ཚོགས་གསོག བཀའ་བསྒོ། སྲུང་འཁོར། བྱིན་འབེབས། མཆོད་རྫས་ཕྱིན་བརླབ། ལྷ་བསྐྱེད། སྤྱན་འདྲེན། བཞུགས་གསོལ། ཕྱག་འཚལ། མཆོད་པ། བསྟོད་པ། འཛབ་དགོངས་བཅས་སོང་ནས། ཕྲེང་བྱིན་དོར། བསྙེན་སྒྲུབ་རིམ་པར་བཟླ། མཐར་
ནད་གདོན་འཇིགས་བརྒྱད་
སོགས་དབྱངས་གསལ་ཡིག་བརྒྱ་རྟེན་སྙིང་ལན་གསུམ། ཌཱ་བཅས་
ཨོཾ་ཨཱཿཧཱུྃཿ ཕྱི་ནང་སྣོད་བཅུད་༴
སོགས། མཆོད་པ། བསྟོད་པ། ནོངས་བཤགས། བརྟན་བཞུགས། བསྡུ་ལྡང་། བསྔོ་སྨོན། བཀྲ་ཤིས།
སངས་རྒྱས་བསྟན་པ་༴
ཀུན་བཟང་རྡོ་རྗེ་༴
བསྟན་པའི་དཔལ་གྱུར་༴
སོགས་ཀྱིས་སྔ་ཐུན་གྲོལ་ནས། ཉིན་དགུང་གི་གསོལ་ཚིགས་བཞེས།
༈ གསུམ་པ་ཕྱི་ཐུན་ལ།
ཆུ་ཆོད་དང་པོ་ནས་བཞི་པའི་བར་གྱི་འདོན་རིམ་ནི།
ཧཱུྂཿ ཨོ་རྒྱན་ཡུལ་གྱི་༴
རིགས་བརྒྱའི་དབང་ཕྱུག་
སོགས་ནས་རིམ་པར་ཤིས་བརྗོད་ཀྱི་མཇུག་བར་ལྔ་ཐུན་ཇི་ལྟ་བ་བཞིན་འདོན།
མཐར་གསོལ་ཁ་འདོན་ཚུལ་ནི།
གསེར་སྐྱེམས་བསྐང་རྫས་བཅས་བཤམས་ལ་ཆབ་བྲན། འདིར་མཚམས་ནང་རོལ་མོ་མེད་པར་རྔ་རྐྱང་གིས་རོལ་ཚིགས་དང་བསྟུན་ནས་བརྡུང་སྲོལ་ཡོད། རྔ་སྒྲ་ཡང་རང་ཤག་ནང་ཁྱབ་པ་ཙམ་གྱི་སྒྲ་འཇམ་པོར་བརྡུང་བ་ལས་ཤུགས་དྲག་གཏན་ནས་བརྡུང་མི་རུང་། གནམ་རྔ་མེད་ན་ཌཱ་དྲི་ལ་ཁེར་ཆོད་བརྡུང་བའི་ཕྱག་བཞེས་ཡོད་པས། ཐོག་མར།
ཧཱུྃཿ ཨོ་རྒྱན་ཡུལ་གྱི་
སྭཱ་བྷཱ་ཝ་ཤུདྡྷཿསརྦ་དྷརྨ་སྭཱ་བྷཱ་ཝ་བི་ཤུདྡྷོཉ་ཧཾ
རང་ཉིད་ཡི་དམ་དུ་གསལ་བའི་
སོགས་ཀུན་མཁྱེན་ཀློང་ཆེན་གྱི་གཏོར་བསྔོ་དང་།
རཾ་ཡཾ་ཁཾ། སྟོང་པའི་ངང་ལས་རླུང་མེ་
སོགས་གྲུབ་ཐོབ་པདྨ་རིག་འཛིན་གྱི་གཏོར་བསྔོ་གཉིས་པོ་རེ་མོས་ཀྱིས་འདོན།
བཀའ་སྲུང་མ་མགོན་ལྕམ་དྲལ་
རང་ཉིད་དཔལ་ཆེན་པོར་གསལ་བའི་ཐུགས་ཀ་ནས་
སོགས་མངོན་རྟོགས། སྤྱན་འདྲེན། བཞུགས་གསོལ། བྱིན་བརླབ་རྗེས།
བྷྱོཿ ཏིང་འཛིན་སྤྲུལ་པའི་
སོགས་བསྐང་བ་ལན་གསུམ། འཁྲུགས་སྐོང་ཉེར་བསྡུས་
བྷྱོཿ བདེ་ཆེན་སྒྱུ་མའི་
སོགས་ལན་གཅིག བསྟོད་པ་
བྷྱོཿ དཔལ་ལྡན་རང་བྱུང་༴
ཕུར་སྲུང་གསོལ་བསྡུས་
ཨོཾ་ཨཱཿཧཱུྃ། ཕྱི་ནང་གསང་བའི་
སོགས་ལན་གཅིག ཚེ་རིང་མ་
ཀྱཻཿ རང་སྣང་འོད་གསལ་
སོགས་སྤྱན་འདྲེན། བཞུགས་གསོལ། བྱིན་བརླབ་རྗེས།
ཧཱུྃ བདེ་ཆེན་ཆོས་སྐུའི་སོགས་བསྐང་བ་ལན་གསུམ།
བྷྱོ། མཁའ་འགྲོ་ཆེན་མོ་༴
རྒྱལ་དབང་པདྨ་༴
བྃ་ཧཱུ་རི་ནི་ས་
སོགས་བཟླས་པ་ལན་བདུན།
གཡུ་སྒྲོན་མ་
ཀྱེ། མདུན་དུ་གངས་རི༴
ཧཱུཾ། ཏིང་འཛིན་སྔགས་དང་
སོགས་བསྐང་བ་ལན་གསུམ།
ཧཱུཾ། རྡོ་རྗེ་གཡུ་སྒྲོན་༴
གཟའ་རྒོད་
རཾ་ཡཾ་ཁཾ། ཨཱོཾ་ཨཱཿཧཱུྃ།
ཧྲཱིཿ དུར་ཁྲོད་རབ་འཇིགས་
སོགས་ལན་གསུམ།
ངན་ནེ་མ་
བྷྱོཿ། འཇིག་རྟེན་འཕྲུལ་གྱི་
སོགས་བསྐང་བ་ལན་གསུམ།
ཚོགས་བདག་
རཾ་ཡཾ་ཁཾ། ཨོཾ་ཨཱཿཧཱུྃ། གདོད་ནས་འཁོར་འདས་༴
དམ་ཅན་ཕྲིན་བཅོལ་
ཧོ། འཛམ་བུའི་གླིང་གི་སྐྱེས་མཚིག་
སོགས་ལན་གསུམ།
སྐུ་ལྔའི་གསོལ་མཆོད་
ཧཱུཾ། སྤྲོས་བྲལ་ཆོས་ཀྱི་༴
ཅིའུ་དམར་
རཾ་ཡཾ་ཁཾ། ཨཱོཾ་ཨཱཿཧཱུྂ
ཀྱཻ ཕྱོགས་ཕྱོགས་༴
བྷྱོཿ བཙན་མཁར་དམར་པོའི་
སོགས་ལན་གསུམ།
དགོངས་བཙན་
ཧྲཱིཿ ལྗོན་ཤིང་བྲག་རིཪ་༴
སྡེ་བརྒྱད་མཆོད་བསྡུས་
རཾ་ཡཾ་ཁཾ། ཨོཾ་ཨཱཿཧཱུཾ།
མཆོག་གསུམ་སྐུ་གསུམ་༴
གསེར་སྐྱེམས་
རཾ་ཡཾ་ཁཾ། གསེར་སྐྱེམས་ཟག་པ་༴
ཨོཾ་ཨཱཿཧཱུྃ། ལན་གསུམ།
རིག་འཛིན་རྩ་བརྒྱུད་༴
དམ་ཅན་ནོངས་བཤགས་
ཧོ། རང་བཞིན་ཆོས་ཀྱི་
སོགས་ཡིག་བརྒྱའི་མཐར། སྐབས་འདིར་རྒྱལ་ཆེན་བཞི་ལ།
ཨཱོཾ་དྷྲྀ་ཏ་རསྟྲ་ཧཱུྃ་ཛཿ ཨཱོཾ་བེ་རུ་དྷ་ཀ་ཧཱུྃ་ཛཿ ཨཱོཾ་བེ་རུ་བཱཀྵ་ཧཱུྃ་ཛཿ ཨཱོཾ་བཻ་ཤྲ་མ་ཎ་ཧཱུྃ་ཛཿ
ས་པ་རི་ཝཱ་ར་ཨོཾ་ཨ་ཀཱ་རོ་མུ་ཁཾ་སརྦ་དྷརྨ་ནཱཾ་ཨཱ་དྱ་ནུ་ཏྤནྣ་ཏྭ་ཏ་ཨཱོཾ་ཨཱཿཧཱུྃ་ཕཊ་སྭཱ་ཧཱ ཞེས་ལན་གསུམ་གྱིས་བསྔོས་ལ།
ཕྲིན་བཙིལ་
ཀྱེ། ཐེབ་པའི་བསྟན་པ་
གཏོར་འབུལ་
སངས་རྒྱས་བསྟན་སྲུང་༴
འདོད་གསོལ་
སངས་རྒྱས་ཀྱི་བསྟན་པ་དར་བ་༴
མཆོད་པ་
ཨོཾ་ཤྲཱི་དྷརྨ་པཱ་ལ་ཀྵེ་ཏྲ་པཱ་ལ་ལོ་ཀ་པཱ་ལ་ས་པ་རི་ཝཱ་ར་། བཛྲ་ཨརྒྷཾ་པཱ་དྱཾ་པུཥྤེ་དྷཱུ་པེ་ཨཱ་ལོ་ཀེ་གྷནྡྷེ་ནཻ་ཝེ་དྱ་ཤབྡ་སརྦ་པཉྩ་རཀྟ་བྷ་ལིངྟ་མ་ཧཱ་སུ་ཁ་པཱུ་ཙ་ཁཱ་ཧི།
རྔ་ཟིལ་འབེབས་བཞག་རོལ་མཐར།
སྔོན་ཚེ་ཨོ་རྒྱན་ཆེན་པོའི་སོགས་ཀྱིས་བསྟོད།
མཁའ་ལ་སྤྱོད་པའི་
སོགས་སེང་གདོང་བཟླས་པ་ཅི་རིགས་དང་།
ན་མོ་སངས་རྒྱས་ཀྱི་བདེན་པ་དང་སོགས་ཐལ་རྡེབ་བཅས་ལན་གསུམ།
རྫོགས་པའི་བྱང་ཆུབ་༴
ཨོ་རྗེ་འཙུན་མ་སོགས་སྒྲོལ་མ་ལན་གཅིག
རྒྱལ་ཡུམ་སྒྲོལ་མ་
སོགས་འདོན་ནས་ཕྱི་ཐུན་གྲོལ། བསྐང་རྫས་དང་གསེར་སྐྱེམས་ཕྱིར་གཤེགས། མཚན་མོའི་གསོལ་ཚིགས་བཞེས།
བཞི་ལ་ཐོད་ཐུན་ལ་།
ཆུ་ཚོད་དྲུག་བ་ནས་དགུ་པའི་བར་གྱི་འདོན་རིམ་ནི།
ཧཱུྃ༔ ཨོཾ་རྒྱན་ཡུལ་གྱི་
སོགས་རིམ་པར་ཤིས་བརྗོད་པར་གོང་གི་སྔ་ཕྱིའི་ཐུན་བཞིན་འདོན་ནས་མཐར།
སངས་རྒྱས་བསྟན་པ་༴
ཀུན་བཟང་རྡོ་རྗེ་༴
དཔལ་རིའི་སྨོན་ལམ་
ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ
རང་བཞིན་རྣམ་དག་༴
བདེན་ཚིག་འགྲུབ་པའི་སྨོན་ལམ་
དངོས་གྲུབ་རྒྱ་མཚོའི་འབྱུང་གནས་༴
ཀུན་བཟང་སྣང་མཐའ་པད་འབྱུང་མན་ཆད་དང་༴
དྲིན་ཅན་རྩ་བའི་བླ་མའི་ཡན་ཆད་ཀྱིས། །
འགྲོ་བའི་དོན་དུ་སྨོན་ལམ་གང་བཏབ་པ། །
དེ་དག་ཐམས་ཅད་དེང་འདིར་འགྲུབ་གྱུར་ཅིག །
ཞབས་བརྟན།
འགྲོ་བའི་སྡུག་བསྔལ་༴
བསྟན་པའི་དཔལ་གྱུར་༴
ཐུབ་བསྟན་མཛེས་པའི་རྒྱན་གཅིག་ཀློང་ཆེན་པ། །
བཤད་སྒྲུབ་བསྟན་པའི་མངའ་བདག་འཇིགས་མེད་གླིང། །
མཚུངས་མེད་བླ་མའི་བསྟན་པ་སྲིད་མཐའི་བར། །
བཤད་སྒྲུབ་ཐོས་བསམ་སྒོམ་པས་འཛིན་གྱུར་ཅིག །
སོགས་ཀྱིས་དགོང་ཐུན་གྲོལ་ནས། ནུབ་མོ་ཉལ་བའི་ཚེ་སླར་ཡང་སྲུང་འཁོར་ལེགས་པར་གསལ་བཏབ་ནས་ཐུགས་ཀའི་སྔགས་ཕྲེང་འཁོར་བ་ལ་སེམས་བཟུང་སྟེ་དེ་ཉིད་བཟླ་བཞིན་པར་ཉལ་བའི་རྣལ་འབྱོར་ལ་འཇུག་གོ།
སྤྱིར་ཚོགས་མཆོད་ནི་འབྱོར་པས་ལྕོགས་ན་བསྙེན་པའི་དུས་སུ་ཡང་མ་ཆག་པར་འབུལ་ཐུབ་ན་བསོད་ནམས་ཆེ་བས་ཤིན་ཏུ་ལེགས་པ་ཡིན།
ལྷག་བར་སྒྲུབ་པའི་སྐབས་སུ་ནི་ཉིན་རེ་བཞིན་ཚོགས་མཆོད་རྒྱ་གང་ཆེར་བྱ་བ་ངེས་པར་དགོས་ཞེས་གསུངས་པས། ཡར་མར་གྱི་ཆོས་བཅུ་སོགས་སྲོད་ཐུན་གྱི་མཐར་ཚོགས་མཆོད་བྱ་བ་ན།
ཐོག་མར་རང་གི་མདུན་དུ་ལག་པས་ལེན་བདེ་བའི་གནས་སུ་ཅོག་ཙེའི་སྟེང་ན་གཡས་སུ་ཐེབ་རྩེ་བཞི་ལས། ཚོགས་ཕུད་དང་པོ་དང་བར་པ་བཤགས་པ་ལ་ཚོགས་རྫས་ཤ་དང་ཤིང་འབྲས་སོགས་ཅི་འབྱོར་དང་བཅད་ཁམ་རེ་བཅས། ཐ་མ་བསྒྲལ་བ་ལ་བཅད་ཁམ་དང་ཤ་དུམ་བཞག་ལ་ཁེབས་ཀྱིས་བཅད། ལྷག་གཏོར་ལའང་ཚོགས་རྫས་བཅད་ཁམ་བཅས་བཤམས། གཡོན་དུ་ཀ་པཱ་ལར་ཆོས་སྨན་ལྡན་པའི་ཚོགས་ཆང་བཅས་འཚོགས་པར་བྱ།
སྤྱིར་མཚམས་ནང་འདུག་སྐབས་དཀར་བགེགས་ཆད་བརྟན་ཚོགས་གཏོར་རྣམས་བཅའ་ཚུལ་བསྡུས་པ་གཏོར་མ་བཅད་ཁམ་ཞེས་དཀར་གསུམ་མངར་གསུམ་ལྡན་པའི་ཟན་ལེབ་མོར་བཅོས་ཏེ་གྲི་ཆུང་གིས་ལག་སོར་གཉིས་ཀྱི་ཚད་ཙམ་གྲུ་བཞིར་བཅད་ནས། དཀར་གཏོར་ལ་དཀར་རྩི་དང་། གཞན་རྣམས་ལ་སྨུག་རྩི་བྱུག་བ་སོགས་འདུ་བྱས།
དེ་ནས་སྲོད་ཐུན་ཆུ་ཚོད་དྲུག་པ་ནས་དགུ་པའི་བར་གྱི་འདོན་རིམ་ནི།
ཧཱུྃ༔ ཨོ་རྒྱན་ཡུལ་གྱི་
སོགས་ནས། སྐྱབས་སེམས་ཚོགས་ཞིང་བསྡུ་བའི་མཐར། དཀར་གཏོར་བྱིན་བརླབ་དང་
གང་དག་འདིར་གནས་
སོགས་ཀྱིས་དཀར་གཏོར་མཆོད་ཅིང་། བགེགས་གཏོར་བྱིན་བརླབ་དང་བཀའ་བསྒོའི་ཚིག་མཚམས་
གཏོར་མ་ལོངས་ལ་གཞན་དུ་
སོགས་ཀྱིས་འགེགས་གཏོར་བསྡོ། མཚམས་གཅོད། བྱིན་འབེབས་རྣམས་དཀྱུས་བཞིན་འདོན། བསྙེན་སྒྲུབ་རིམ་པར་བཟླས་པའི་མཇུག་ཏུ།
ནད་གདོན་འཇིགས་བརྒྱད་༴
ཨ་ཨཱ་སོགས་དམྱངས་གསལ་ཡིག་བརྒྱ་རྟེན་སྙིང་ལན་གསུམ། ནང་མཆོད་ཁེབས་བསལ་ལ། ཌཱ་བཅས་
སྟོང་པའི་ཡེ་ཤེས་༴
ནང་མཆོད་ཁ་བཅད།
ཧྲཱིཿ མ་བཅོས་སྤྲོས་བྲལ་༴
ཕྱག་འཚལ་བསྟོདཿ
ཨཱོྂ་བཛྲ་ས་ཏྭ་ས་མ་ཡ་སོགས་ཡིག་བརྒྱ་ལན་གཅིག
ཨོ་རྒྱན་རིན་པོ་ཆེ་ལ་༴
ཡེ་ཤེས་ཀྱི་འཁོར་ལོ་ཐམས་ཅད་མཁའ་ཁྱབ་ཏུ་སད་པར་གྱུར།
སྒར་འདོན་གྱིས་
ཧཱུྂ། ཡེ་ཤེས་སྐུ་མཆོག་༴
བཟོད་པར་གསོལ།
ཨཱོྂ་བཛྲ་ས་ཏཱ་ས་མ་ཡ་
སོགས་ཡིག་བརྒྱ་ཅི་རིགས་མཐར། ནང་མཆོད་ཁེབས་བསལ་ལ་ཌཱ་བཅས་
ཧཱུྃ༔ བཀའ་གསང་རྨད་དུ༴
ཚིག་རྐང་མཐའ་མར་གཡོན་དྲིལ་བཅས་སྲིན་ལག་གིས་སྨན་འཐོར་ཞིང་
དགྱེས་པར་བཞེས་སུ་གསོལ༔
ཨཱོྃ་བཛྲ་ས་ཏྭ་ས་མ་ཡ་སོགས་ཡིག་བརྒྱ་བརྗོད་བཞིན་ཌཱ་འཁྲོལ།
ནམ་མཁའི་མཐར་ཐུག་མཐའ་ཡས་སེམས་ཅན་རྣམས། །
མ་འབད་བཞིན་དུ་སྐུ་གསུམ་མངོན་གྱུར་ཏེ། །
ཕ་མ་འགྲོ་དྲུག་སེམས་ཅན་མ་ལུས་པ། །
ཕྱམ་གཅིག་གདོད་མའི་ས་ལ་ཕྱིན་པར་ཤོག །
ཚོགས་རྫས་བྱིན་གྱིས་བརླས་པ་ནི། ཆང་ཆུ་ནང་གསུམ་གྱིས་ཕྲན་ལ། བཞི་ཚོད་ཀྱིས་
ཧཱུྃ༔ བདག་ཉིད་ཐུགས་༴
ཌཱ་བཅས་
ཧཱུྃ༔ འོག་མིན་བདེ་ཆེན་
སོགས་ནས།
མཆོག་དང་ཐུན་མོང་དངོས་གྲུབ་སྩོལ་
ལ་ཌཱ་རུ་ཚར་གཅིག་བཅད་ནས། ཡང་ཌཱ་བཅས་
ཧཱུྃ༔ རྩ་གསུམ་རིག་འཛིན་༴
ཧཱུྂཿ བདག་གི་ཚེ་རབས་༴
ཚོགས་ཐ་མ་ཁེབས་བསལ་ལ་རཀྟ་བྲན་ཞིང་།
ན་མོ་དཀོན་མཆོག་གསུམ་དང་སོགས་ལན་གསུམ།
ཛཿཧཱུྃ་བཾ་ཧོཿ
ཧཱུྃཿ མ་རིག་ལས་ཉོན་
སོགས་ཀྱིས་བསྒྲལ་བའི་མཐར་ནང་མཆོད་བྲན་ལ་འབུལ་ཞིང་ཌཱ་རུ་འཕྲོལ།
ན་མཿ སརྦ་ཏ་ཐཱ་
སོགས་ལན་གསུམ་དང་།
བཛྲ་སྤ་ར་ཎ་ཁཾ།
ཌཱ་བཅས་
ཨཱཿ ཆོས་དབྱིངས་ཁྱབ་གདལ་༴
འགྲུབ་པའི་ཕྲིན་ལས་མཛོད། །
ཨཱོྂ་བཛྲ་ས་ཏཱ་ས་མ་ཡ་སོགས་ཡིག་བརྒྱ་བརྗོད།
ཚོགས་ཀྱི་མཆོད་པ་རྒྱན་དུ་རོལ།
ཨ་ལ་ལ་ཧོཿ
བདག་ལུས་ཕུང་ཁམས་༴
ཨེ་མ་ཧོ། མཚོ་དབུས་གེ་སར་༴
ཨོ་རྒྱན་རིན་པོ་ཆེ་ལ་༴
དུས་གསུམ་སངས་རྒྱས་༴
ཚོགས་ལ་རོལ་མཐར།
ཧཱུྃ། རིག་འཛིན་འདུས་པའི་༴
ལྷག་གཏོར་བདུད་རྩིས་བྲན་ལ་
ཨཱྂ་ཨ་ཀཱ་རོ་༴
ཌཱ་བཅས་
ཧཱུྃ༔ དཀྱིལ་འཁོར་ཆེན་པོའི་
སོགས་ཀྱིས་ལྷག་གཏོར་སྨན་རཀ་བྲན་ལ་དཀྱིལ་འཁོར་གྱི་བྱང་ཤར་དུ་བཙོན་གཟུང་བྱ།
ཚོགས་མཆོད་ཕུལ་བའི་༴
ན་མོ་དཀོན་མཆོག་གསུམ་དང་
སོགས་ལན་གསུམ།
ཛཿཧཱུྃ་བཾ་ཧོཿ
ཧཱུྃ༔ བཞེངས་ཤིག་རིག་འཛིན་༴
ཆད་ཐོར་སྨན་རག་བྲན་ལ།
གཏོར་མ་ཡེ་ཤེས་ཀྱི་༴
ཨོཾ་ཨཱཿཧཱུྃ།
ཌཱ་བཅས་
ཧཱུྃ༔ སྔོན་མོ་འོག་མིན་
བསྟན་མར་སྨན་རག་བྲན་ལ།
བཤལ་ཆུ་ཡེ་ཤེས་ཀྱི་༴
ཨོཾ་ཨཱཿཧཱུྃ།
ཌཱ་བཅས་
ཧཱུྃ དཔལ་གྱི་བཀའ་ཉན་༴
རང་མདུན་དུ་ཆད་བསྟན་གཏོར་སྣོད་ཁ་སྦྲུབས་ལ་
ན་མོ་དཀོན་མཆོག་གསུམ་དང་སོགས་ལན་གཅིག།
ཛཿཧཱུྃ་བཾ་ཧོཿ
རྡོ་རྗེས་རྒྱ་གྲམ་བྱས། ཌཱ་བཅས་
ཧཱུྃ རིག་འཛིན་རྒྱལ་བའི་༴
བདག་ཅག་དཔོན་སློབ་
སོགས་ནས།
བྷྲཱུྃ༔་པུ་ཥྚིཾ་ཀུ་རུ་ཡེ་སྭཱ་ཧཱ།
ཞེས་གཏོར་སྣོད་ནང་དུ་འབྲུ་འཐོར། ནང་མཆོད་ཁེབས་བསལ། མཆོད་པར་ཆབ་བྲན་ལ་
ཨཱོྃ་ཧཱུྃ་ཏཱཾ་ཧྲཱིཿཨཱཿ
ལྷ་རྫས་དང་ཏིང་ངེ་འཛིན་ལས་༴
ན་མཿ སརྦ་
སོགས་ལན་གསུམ། ཌཱ་བཅས་
ཨོཾ་ཨཱཿཧཱུྃཿ ཕྱི་ནང་སྣོད་བཅུད་༴
མ་ཧཱ་པཉྩ་ཨ་མྲྀ་ཏ་ཁཱ་ཧི མ་ཧཱ་རཀྟ་ཁཱ་ཧི༔ མ་ཧཱ་བྷ་ལིངྟ་ཁཱ་ཧིཿ
ཞེས་བད་སྐོར་བཅས་གཡོན་སྲིན་ལག་གིས་ནང་མཆོད་འཐོར་ཞིང་རཀྟ་དང་བྷ་ལིང་གི་རྒྱ་བཅས་མཐར་སེ་གོལ། ནང་མཆོད་ཁ་བཅད། ལྷུག་འདོན་གྱིས་
ཧྲཱིཿ མ་བཅོས་སྤྲོས་བྲལ་༴
ཧཱུྃཿ རིག་འཛིན་འདུས་པའི་༴
ཨཱོྂ འདིར་ནི་རྟེན་དང་༴
ཧོཿ ཆུ་ལས་ཆུ་བུཪ་༴
ཧོཿ དུས་གསུམ་གསགས་པའི་༴
ཌཱ་བཅས་
ཧོཿ རིག་འཛིན་བརྒྱུད་པའི་༴
སངས་རྒྱས་བསྟན་པ་དར་ཞིང་༴
ཀུན་བཟང་རྡོ་རྗེ་འཆང་ཆེན་༴
དཔལ་རིའི་སྨོན་ལམ་སོགས་ཀྱིས་དགོང་ཐུན་གྲོལ།
དེ་ཡང་མཚམས་བསྙེན་སྒྲུབ་སྐབས་ཚོགས་མཆོད་བྱ་བའི་ཚེ། ཚོགས་ཕུད་རིམ་པ་གསུམ་དང་མཆོད་གཏོར་གསེར་སྐྱེམས་སོགས་འབུལ་བ་ན་ཡང་ཁྱོག་ནས་འབུལ་མི་དགོས་པར་དཀར་བགེགས་ཆད་བསྟན་གསེར་སྐྱེམས་རྣམས་སོ་སོའི་ཚིག་མཐར་རང་གི་ཉེ་ལོགས་སྣོད་ཅིག་འཇོག་ལ་དེར་བླུགས། མཐར་ཐུན་མཚམས་གྲོལ་སྐབས་ལྷག་མ་ནི་བཙོན་འཟུང་བྱས་པས་ཚོགས་ཕུད་གསུམ་པོ་ཉེ་ལོགས་སྣོད་དེར་བླུགས་ནས་སྒྲུབ་ཁང་ནང་ལོགས་ཀྱི་ཟུར་དུ་སྣོད་གཞོང་ཆེན་པོའི་ནང་འདོར་རོ།
སྒྲུབ་པའི་སྐབས་སུ་བབ་པ་ན།
གཞུང་གི་ཐུན་བཞིའི་འདོན་ཚུལ་གོང་གི་ཇི་ལྟ་བ་ལས་བཟླས་པར་ཐུག་པ་ན།
ཧྲཱིཿ མ་བཅོས་སྤྲོས་བྲལ་
སོགས་ནས།
ཕྱག་འཆོལ་བསྟོདཿ
སྣང་སྲིད་ཟིལ་གནོན་༴
ཆེན་པོཪ་སྦྱོརཿ
ཐུགས་ཀར་པདྨ་༴
ཕྲེང་བ་བྱིན་བརླབ། སིདྡྷི་བརྒྱ་རྩ་ཙམ་བཟླས་ནས།
ཨོཾ་ཨཱཿཧཱུྃ་བཛྲ་མ་ཧཱ་གུ་རུ་སརྦ་སིདྡྷི་ཧཱུྃ༔
ཞེས་བཟླ་ཞིང་སྒྲུབ་སྔགས་གྲངས་བཟུང་། ལྷ་ལ་གསལ་སྣང་ཐོན་པ་ན།
ཐུགས་ཀའི་སྔགས་ཕྲེང་
སོགས་ནས། ཡང་མ་ཧཱ་གུ་རུ་གྲངས་གཟུང་།
དེ་ནས་དབྱངས་གསལ་ཡིག་བརྒྱ་རྟེན་སྙིང་ལན་གསུམ་སོགས་སྤྱི་འགྲོས་ལྟར།
སྒྲུབ་པའི་སྐབས་སུ་ཉིན་རེ་བཞིན་སྲོད་ཐུན་གྱི་མཐར་ཚོགས་མཆོད་འབུལ་དགོས་སོ། །
དེ་ལྟར་རིག་འདུས་ཟླ་བ་གསུམ་མམ་བཞི་ཙམ་གྱི་ཁོངས་སུ་སིདྡྷི་དང་། མ་ཧཱ་གུ་རུ་ཁ་སྐོང་བཅས་འབུམ་ཕྲག་བཅུ་གསུམ་རེ་གྲངས་ཚད་ཐེམས་པར་བྱས་ནས།
མཐར་ཞག་བདུན་གྱི་བར་རིག་འཛིན་ཚེ་སྒྲུབ་བྱ་བ་ནི།
ཉེ་ལོགས་ཅི་བདེ་བར་འབྲུ་ཚོམ་ལྔ་བཀོད་པའི་ཁར་ཚེའི་བུམ་པ་མགུལ་ཆིངས་དམར་པོ། གཡས་སུ་ཚེ་རིལ། རྒྱབ་ཏུ་ཚེ་མདའ། གཡོན་དུ་ཚེ་ཆང་། མདུན་དུ་ཚེ་གཏོར། མཐར་མཆོད་པས་བསྐོར་བར་བྱས།
བདག་དང་སྒྲུབ་རྟེན་དབྱེར་མེད་ཨ་ཏིའི་རྣལ་འབྱོར་གྱི་ངེས་པས་རིག་འདུས་ཀྱི་ལས་གཞུང་བསྲང་ལ། བསྟོད་པའི་བར་བྱ་ཞིང་། དེ་ནས།
ཧྲཱིཿ་ཚེ་དབང་རིག་འཛིན་༴
ཐུགས་ཀའི་ཡེ་ཤེས་སེམས་དཔའ་༴
རྫོགས་པར་གྱུར།
ཅེས་དམིགས་པ་རྩེ་གཅིག་ཏུ་བཞུར་ནས། ཕྲེང་བ་བྱིན་བརླབ།
ཨོཾ་ཨཱཿཧཱུྃ་བཛྲ་མ་ཧཱ་གུ་རུ་ཨཱ་ཡུརྫྙཱ་ནསོགས་ཚེ་བསྙེན་ཅི་ནུས་བཟླ།
སྔགས་ཕྲེང་རྣམས་ལས་༴
སྒྲོགས་པར་བསམ།
ཡང་ཚེ་བསྙེན་ཅི་ནུས་བཟླ།
ཐུན་མཇུག་ཏུ་ཧྲཱིཿཅི་རིགས་བཟླས་མཐར།
ནད་གདོན་འཇིགས་བརྒྱད་
སོགས་དབྱངས་གསལ་ཡིག་བརྒྱ་རྟེན་སྙིང་ལན་གསུམ་དང་། མཆོད་བསྟོད་ཡིག་བརྒྱའི་རྗེས།
བདག་བསྐྱེད་ཀྱི་ཐུགས་ཀ་ནས་
སོགས་ནས།
ལྕགས་ཕྱེ་བླངས་པ་ལྟར་བསྡུས་ནས་བདག་དང་ཚེ་རྫས་རྣམས་ལ་ཐིམ་པའི་མོས་པ་མཛོད།
ཚེ་མདའ་གཡབ་ཅིང་། བཞི་ཆོད་ཀྱིས་
ཨཱོྂཿ རང་སྣང་ཟངས་མདོག་
སོགས་ནས།
ཚེ་བྷྲཱུྃ་ནྲྀ་ཛཿསརྦ་སིདྡྷི་ཧཱུྂཿ
ཧྲཱིཿ ལྷ་དང་རིག་འཛིན་༴
ཚེ་གཟུངས་བཟླ།
ཚེ་དབང་དུ་གྱུར་ཅིག་༴
ཨཱཿ འབྱུང་ལྔའི་དབྱིངས་སུ་༴
བཛྲ་རཀྵཿ
ཞེས་ཚེ་མདའ་རང་གི་སྤྱི་བོར་རྒྱ་གྲམ་གྱིས་རྒྱས་གཏབ།
སྟོན་པ་སངས་རྒྱས་རྣམས་ཀྱི་བཀྲ་ཤིས་ཤོག
སྐྱོབ་པ་དམ་ཆོས་རྣམས་ཀྱི་བཀྲ་ཤིས་ཤོག
འདྲེན་པ་དགེ་འདུན་རྣམས་ཀྱི་བཀྲ་ཤིས་ཤོག
སྐྱབས་གནས་དཀོན་མཆོག་གསུམ་གྱི་བཀྲ་ཤིས་ཤོག
སོགས་ཤིས་བརྗོད།
ཧཱུྃཿ རིག་འཛིན་འདུས་པའི་༴
སོགས་ནོངས་བཤགས་ནས། བཀྲ་ཤིས་བར་དང་།
སངས་རྒྱས་བསྟན་པ་༴
ཀུན་བཟང་རྡོ་རྗེ་༴
བསྟན་པའི་དཔལ་གྱུར་
སོགས་ཀྱིས་གྲོལ་བ་བཅས་ཐུན་བཞིའི་འདོན་ཚུལ་གོང་བཞིན། ལྕོགས་ན་སྲོད་ཐུན་མཐར་ཆོགས་མཆོད་འབུལ་བར་བྱའོ།
༈ རིག་འཛིན་འདུས་པའི་བསྙེན་སྒྲུབ་གྲོལ་སྐབས་དངོས་གྲུབ་བླང་ཚུལ་ནི།
བསྙེན་སྒྲུབ་ལ་རྟགས་ཐོན་པའམ་གྲངས་ཚད་རྫོགས་ནས་སྒྲུབ་བ་ཐོན་པ་ན་བྱ་སྟེ། ཐོ་རངས་དངོས་གྲུབ་བླང་བའི་སྔར་ཉིན་གྱི་ཕྱི་ཐུན་མཇུག་ཏུ་དངོས་གྲུབ་ཀྱི་རྫས།
རྡོ་རྗེ་ཚེ་སྟེ་ཟན། ཛཀྟིའམ་མཱཾ་ས་སྟེ་ཤ ཛ་གད་དམ་དཔའ་བྱེད་དེ་ཆང་། འཇམ་དེས་སམ་ཟླ་བ་དཀར་བ་སྟེ་མར། ཟླ་རྒྱས་ཏེ་ཞོ་དང་འཁུར་བ། ཟླ་ཕྲོམ་སྟེ་ཐུད་དང་ཟླུམ། གལ་སྐྱེས་ཏེ་སྤོད་སྣ་ཚོགས་ཀྱི་གཡོས། བྲན་མོ་སྟེ་ཚོད་མ། གཡོན་ཅན་ཏེ་སྒོག་པ། ཀུན་ཏུ་རྒྱུ་སྟེ་ཚྭ། ཚེ་ཁྲིད་དེ་སྐྱུར་ལོ། ཤམ་མོ་སྟེ་སིང་པོ་སོགས་བཟའ་བཅའ་བཏུང་བའི་བྱེ་བྲག་ཚོགས་ཚད་གསར་དུའང་འདུ་བྱ།
མཆོད་བ་རྙིང་པ་ཁ་གསོ་ཞིང་གསར་པ་བཤམས་ལ། སྲོད་ཐུན་དུ་ལས་གཞུང་བསྲང་ནས་བསྟོད་པའི་མཇུག་ཏུ།
ཨོཾ་ཨཱཿཧཱུྃ་བཛྲ་མ་ཧཱ་གུ་རུ་སརྦ་སིདྡྷི་ཧཱུྃ༔ བྷྲཱུྃ་བི་ཤྭ་བི་ཤུདྡྷེ་ཕཊ་ཛཿ
ཞེས་འཛབ་ཁང་དབྱེ་ནས་བདག་བསྐྱེད་ལས་ཡེ་ཤེས་པ་མདུན་གྱི་ནམ་མཁར་མེ་རི་འདབ་འབྱོར་གྱི་ཚུལ་དུ་བཞུགས་པར་བསམ།
བདག་མདུན་གཉིས་ཀར་ཡེ་ཤེས་སེམས་དཔའ་སྒོམ་ཞིང་།
སྣང་སྲིད་ཟིལ་གནོན་
སོགས་ནས།
ཆེན་པོར་སྦྱོརཿ
ཐུགས་ཀར་པདྨ་༴
སིདྡྷི་དང་མ་ཧཱ་གུ་རུ་འོས་ཙམ་རེ་བཟླ།
ཐུགས་ཀའི་སྔགས་ཕྲེང་
སོགས་ནས། ཡང་མ་ཧཱ་གུ་རུ་ཅི་རིགས་དང་།
ཧྲཱིཿ ཚེ་དབང་རིག་འཛིན་༴
ཐུགས་ཀའི་ཡེ་ཤེས་
སོགས་ནས་ཚེ་བསྙེན་ཅི་ནུས་དང་། ཧྲཱིཿཅི་རིགས་བཟླས་
མཐར། འདིར་དངོས་གྲུབ་སྒྲུབ་པའི་སྔགས།
ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛཿ ཀཱ་ཡ་ཝཱཀྐ་ཙིཏྟ་ཨ་ལ་ལ་སིདྡྷི་ཕ་ལ་ཧཱུྃཿ
ཞེས་གཙོ་བོར་བྱས་ནས་བཟླ། དེ་དུས་དངོས་གྲུབ་བསྡུ་དམིགས་ནི་བདག་བསྐྱེད་ཀྱི་ཐུགས་ཀའི་སྔགས་ཕྲེང་ལས་འོད་ཟེར་སྣ་ཚོགས་སྤྲོས་ཏེ་མདུན་བསྐྱེད་ལ་ཕོག་པས་ཐུགས་རྒྱུད་བསྐུལ། སླར་ཡང་མདུན་བསྐྱེད་ཀྱི་གནས་གསུམ་ནས་སྐུ་གསུང་ཐུགས་ཀྱི་དངོས་གྲུབ་ཐམས་ཅད་འོད་ཟེར་དཀར་དམར་མཐིང་གསུམ་གྱི་རྣམ་པར་བྱུང་སྟེ་བདག་བསྐྱེད་ཀྱི་གནས་གསུམ་དང་། དངོས་གྲུབ་ཀྱི་རྫས་ལ་ཐིམ་པས་མཆོག་ཐུན་མོང་གི་དངོས་གྲུབ་ཐམས་ཅད་ཐོབ་པར་བསམ། རྫས་རྣམས་ཀྱང་ཡེ་ཤེས་ཀྱི་རང་བཞིན་ཟོས་པ་ཙམ་གྱིས་གྲོལ་ནུས་པའི་བདག་ཉིད་དུ་གྱུར་བར་བསམ། མཐའ་བསྙེན་མཇུག་གི་མཆོད་བསྟོད་ཡིག་བརྒྱའི་རྗེས།
བདག་མདུན་གྱི་ཐུགས་ཀ་ནས་
སོགས་ནས།
ཨཱོྃ། རང་སྣང་ཟངས་མདོག་
སོགས་རྒྱས་གདབ་ཤིས་བརྗོད།
ཨོ་རྒྱན་རིན་པོ་ཆེ་ལ་༴
བཤགས་པ་ཚོགས་མཆོད་སོགས་སྔར་བཞིན། གཏང་རག་མཆོད་བསྟོད་ཀྱི་རྗེས།
བཛྲ་ས་མ་ཡ་ཛཿ
བཏགས་པའི་ཡི་གེ་བརྒྱ་པ་བརྒྱ་རྩ་བརྒྱད་ཀྱིས་བཤགས། དེ་ནས་བཞི་ཆོད་ཀྱིས་
ཧོཿ རིག་འཛིན་དཀྱིལ་འཁོར་ལྷ་ཚོགས་རྣམསཿ
བསྙེན་ཅིང་སྒྲུབ་པའི་༴
དངོས་གྲུབ་བསྐུལ་སྔགས་
ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་
སོགས་འཛབ་དབྱངས་ཉེར་གཅིག་གིས་དངོས་གྲུབ་ཞུ་བའི་སྙན་གསན་དབབ།
ཧཱུྃ རིག་འཛིན་འདུས་པའི་
སོགས་ནོངས་བཤགས། བརྟན་བཞུགས། བསྡུ་ལྡང་། བསྔོ་སྨོན། བཀྲ་ཤིས་བཅས་རྒྱུན་འདོན་ལྟར་གྱིས་གྲུབ་གོ། །
ཉིན་ཕྱི་མའི་ནངས་པར་ཐོ་རངས་ནི་རིག་པ་དྭངས་སྙིགས་ཕྱེ་བའི་དུས་ཡིན་པས་ཉམས་ལེན་ལ་བོགས་ཐོན་པ་དང་། སྟོན་པ་ཐུགས་རྗེ་ཅན་སངས་རྒྱས་པའི་དུས་གནད་ཁྱད་པར་ཅན་ཡིན་པས་སྐྱ་རེངས་མ་ཤར་ཙམ་ནས། སྒྲུབ་ཐབས་ཀྱི་གཞུང་བསྲང་ནས། བསྟོད་པའི་མཇུག་ཏུ།
ༀ་ཨཱཿཧཱུྃ་བཛྲ་མ་ཧཱ་གུ་རུ་སརྦ་སིདྡྷི་ཧཱུྃཿ བྷྲཱུྃ་བི་ཤྭ་བི་ཤུདྡྷེ་ཕཊ་ཛཿ
ཞེས་འཛབ་ཁ་དབྱེ་ནས་བདག་བསྐྱེད་ལས་ཡེ་ཤེས་པ་མདུན་གྱི་ནམ་མཁར་མེ་རི་འདབ་འབྱོར་གྱི་ཚུལ་དུ་བཞུགས་པར་བསམ།
བདོག་མདུན་གཉིས་ཀར་ཡེ་ཤེས་སེམས་དཔའ་སྒོམ་ཞིང་།
སྣང་སྲིད་ཟིལ་གནོན་
སོགས་ནས།
ཆེན་པོར་སྦྱོརཿ
ཐུགས་ཀར་པདྨ་༴
ཕྲེང་བ་བྱིན་བརླབ། སིདྡྷི་དང་མ་ཧཱ་གུ་རུ་འོས་ཙམ་རེ་བཟླ།
ཐུགས་ཀའི་སྔགས་ཕྲེང་སོགས་ནས།
ཡང་མ་ཧཱ་གུ་རུ་ཅི་རིགས་དང་།
ཧྲཱིཿ ཚེ་དབང་རིག་འཛིན་༴
ཐུགས་ཀའི་ཡེ་ཤེས་
སོགས་ནས་ཚེ་བསྙེན་ཅི་ནུས་དང་། ཧྲཱིཿཅི་རིགས་བཟླས་མཐར།
ནད་གདོན་འཇིགས་བརྒྱད་
སོགས་དབྱངས་གསལ་ཡིག་བརྒྱ་རྟེན་སྙིང་ལན་གསུམ། ནང་མཆོད་ཁེབས་བསལ་ལ། ཌཱ་བཅས་
སྟོང་པའི་ཡེ་ཤེས་༴
ནང་མཆོད་ཁ་བཅད།
ཧྲཱིཿ མ་བཅོས་སྤྲོས་ཟལ་༴
ཕྱག་འཚལ་བསྟོདཿ
ཨོཾ་བཛྲ་ས་ཏྭ་ས་མ་ཡ་སོགས་ཡིག་བརྒྱ།
བདག་མདུན་གྱི་ཐུགས་ཀ་ནས་
སོགས་ནས། ཚེ་མདའ་གཡབ་ཅིང་།
ཨཱཿ རང་སྣང་ཟངས་མདོག་
སོགས་རྒྱས་གདབ་ཤིས་བརྗོད།
ཨོ་རྒྱན་རིན་པོ་ཆེ་ལ་༴
ཚོགས་ཀྱི་གཤོམ་སྐབས་གནམ་ཕུད་ཀྱི་ཚོགས་དང་གསེར་སྐྱེམས་ཀྱང་བཤམ། ཚོགས་བསྐང་སྔར་བཞིན་ལས། བསྒྲལ་བའི་མཐར་ནང་མཆོད་བྲན་ལ་འབུལ་ཞིང་ཌཱ་རུ་ཚར་གཅིག་བཅད་ནས། ཡང་ཌཱ་བཅས་
ན་མོཿ བདེ་གཤེགས་སྙིང་པོ་༴
པདྨ་ཀ་མ་༴
ཨོཾཿ ཀུན་བརྟགས་སྣང་བ་༴
ན་མཿ སརྦ་ཏ་ཐཱ་
སོགས་ལན་གསུམ་དང་།
བཛྲ་སྤར་ཎ་ཁཾ།
ཌཱ་ཡོད་མེད་གང་ལྟར་ཡང་བཞི་ཆོད་ཀྱིས།
ཨཱཿ རང་བྱུང་ལྷུན་གྲུབ་༴
ན་མཿ སརྦ་ཏ་ཐཱ
སོགས་ལན་གསུམ་དང་།
བཛྲ་སྥ་ར་ཎ་ཁཾ།
ཌཱ་བཅས་
ཨཱཿ ཆོས་དབྱིངས་ཁྱབ་གདལ་༴
མདོར་ན་རབ་འབྱམས་
སོགས་ནས།།
རྩ་གསུམ་དམ་ཅན་ཌཱཀྐིའི་བླ་རྡོར་འབུལ་ཞེས་སྐབས་གནམ་ཕུད་གསེར་སྐྱེམས་བཅས་མཆོད།
གནས་ལུགས་རྫོགས་པ་ཆེན་པོའི་ཀློང་དུ་ཨཱཿ
ཞེས་ཌཱ་འཁྲོལ། དེ་ནས་ལྷ་དང་འཁོན་ལྕུགས་སྦྱོང་བའི་ཕྱིར།
བཛྲ་ས་མཱ་ཛཿ
ལྷུག་འདོན་གྱིས་
ཧཱུྃ། ཡེ་ཤེས་སྐུ་མཆོག་
སོགས་བརྗོད་མེད་དོན་བཤགས་ཀྱིས་བཟོད་པར་གསོལ་ལ།
བཛྲ་ས་མ་ཡ་ཛཿ
བཏགས་པའི་ཡི་གེ་བརྒྱ་པ་ཉེར་གཅིག་གམ་བརྒྱ་རྩ་སོགས་ལོང་ཁྱབ་དང་བསྟུན་ནས་བཟླས་ཏེ་བྲོ་བཤགས་བྱ།
དེ་ནས་དངོས་གྲུབ་ཀྱི་རྫས་རྣམས་ལ་དངོས་གྲུབ་བསྡུ་བ་དང་། ཐུགས་དམ་བསྐུལ་བའི་དམིགས་འདུན་དང་བཅས།
ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛཿ ཀཱ་ཡ་ཝཱཀྐ་ཙིཏྟ་ཨ་ལ་ལ་སིདྡྷི་ཕ་ལ་ཧཱུྃ
ཞེས་རྒྱའམ་ཉེར་གཅིག་བཟླ། ཌཱ་བཅས་བཞི་ཆོད་ཀྱིས།
ཧྲཱིཿ སྣོད་བཅུད་སྤྲུལ་པའི་
སོགས་ནས།
གནས་འདིར་མ་འདུག་༴
རྡོ་རྗེས་གཞོམ་
ཞེས་ཌཱ་བཅད་ནས། ཧཱུྂ་བཞི་དང་དྲག་སྔགས་སོ་ལྔས་སྒྲུབ་རྫས་རྣམས་ལ་ཐུན་བྲབ་ཅིང་ཌཱ་འཁྲོལ། གུ་གུལ་བདུག བགེགས་བསྐྲད་ཅིང་།
ཧྲཱིཿ སྣང་སྲིད་དག་པ་
སོགས་ཀྱིས་སྲུང་འཁོར་བསྒོམ། དེ་ནས་ཚིག་འདུན་སྤྱན་འདྲེན་ལན་གསུམ།
ཧཱུྂ བཞེངས་ཤིག་པདྨ་༴
ཌཱ་བཅས་བཞི་ཆོད་ཀྱིས།
ཧཱུྃཿ སྤྲོས་བྲལ་ཆོས་སྐུའི་
སོགས་བྱིན་འབེབས་མཐར། ཚེ་མདའ་གཡབ་ཅིང་།
ཨཱོཾ། རང་སྣང་ཟངས་མདོག་
སོགས་དང་།
ཧྲཱིཿ ལྷ་དང་རིག་འཛིན་༴
ཚེ་གཟུངས་བཟླ།
ཚེ་དབང་དུ་གྱུར་ཅིག་
སོགས་ཚེ་འགུགས་མཐར། ལས་གཞུང་གི་དངོས་གྲུབ་བསྐུལ་བ། བཞི་ཚོད་དལ་བུས་
ཧོཿ རིག་འཛིན་དཀྱིལ་འཁོར་ལྷ་ཚོགས་རྣམསཿ
བསྙེན་ཅིང་སྒྲུབ་པའི༴
ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་
སོགས་འཛབ་དབྱངས་བཟླ་བཞིན་སྒྲུབ་གཏོར་དང་དངོས་གྲུབ་ཀྱི་རྫས་རྣམས་གནས་གསུམ་དུ་གཏུག་ལ། གཏོར་མ་ལྷར་གསལ་བ་འོད་དུ་ཞུ་བ་སྤྱི་བོ་ནས་ཐིམ་པ་སྙིང་གའི་ཐིག་ལེ་ལ་འདུས་པས་མཆོག་ཐུན་གྱི་དངོས་གྲུབ་བདེ་བླག་ཏུ་ཐོབ་པར་བསམ་བཞིན་དངོས་གྲུབ་ཀྱི་རྫས་ལ་ལྟོ་འགྲང་ཞིང་ཚིམ་པར་རོལ། ཚེ་བུམ་ཆུ་དང་ཚེ་ཆང་ཚེ་རིལ་ཚེ་མདའ་རྣམས་ཀྱང་གཏུགས་ཤིང་མྱང་ལ།
ཨཱཿ འབྱུང་ལྔའི་དབྱིངས་སུ་
སོགས་ཀྱིས་ཚེ་མདའ་རང་གི་སྦྱི་བོར་རྒྱ་གྲམ་གྱིས་རྒྱས་བཏབ།
སྟོན་པ་སངས་རྒྱས་རྣམས་ཀྱི་བཀྲ་ཤིས་ཤོག
སྐྱོབ་པ་དམ་ཆོས་རྣམས་ཀྱི་བཀྲ་ཤིས་ཤོག
འདྲེན་པ་དགེ་འདུན་རྣམས་ཀྱི་བཀྲ་ཤིས་ཤོག
སྐྱབས་གནས་དཀོན་མཆོག་གསུམ་གྱི་བཀྲ་ཤིས་ཤོག
ཨཱོྃ་ཧཱུྃ་ཏཱཾ་ཧྲཱིཿཨཱཿ
ལྷ་རྫས་དང་ཏིང་ངེ་འཛིན་ལས་
སོགས་གཏང་རག་གི་མཆོད་བསྟོད་བསྡུས་པ་བྱ་ཞིང་ཡིག་བརྒྱ་བརྗོད། དེ་ནས་ཚོགས་ཀྱི་དྲང་བ་བླང་། རང་དང་སྔགས་གཡོག་ལྟ་བུ་ཉི་ཚེའི་ཚེ་ན། དངོས་གྲུབ་ཀྱི་རྫས་སོགས་སྒྲུབ་རྫས་རྣམས་དམ་ཚིག་གཙང་བའི་སྔགས་གཡོག་གམ་སྒྲུབ་གཡོག་པ་ལྟ་བུ་ལས་གཞན་ལ་མི་སྦྱིན།
གཞན་དུ་ན་སྒྲུབ་གཏོར་དང་དངོས་གྲུབ་ཀྱི་རྫས་སོགས་ཆ་ལྔར་བགོས་ཏེ། ཆ་གཅིག་རང་གི་བླ་མ་ལ། ཆ་གཅིག་སྒྲུབ་པོ་རང་ཉིད་ལ། ཆ་གཅིག་གྲོགས་མཆེད་རྣམས་ལ། ཆ་གཅིག་སྦྱིན་བསྲེག་དང་དེའི་ཕྱེད་ཆ་མི་ཟད་གཏེར་གྱི་བུམ་བར་བླུགས་ནས་ཕྱིས་སུ་སྒྲུབ་པའི་དཀྱིལ་འཁོར་གྱི་འོག་གམ་བྱང་ཕྱོགས་སུ་སའི་འོག་ཏུ་སྦ། ཆ་གཅིག་དངོས་གྲུབ་ཀྱི་རྫས་མ་གཏོགས་པ་ཆོས་སྐྱོང་རྣམས་ཀྱི་གཏོར་མ་དང་མཉམ་དུ་འབུལ་རྒྱུར་བཞག་གོ། །
བསྙེན་སྒྲུབ་ཁ་སྐོང་དུ་རིག་འཛིན་ཞི་བའི་སྦྱིན་བསྲེག་ཡེ་ཤེས་མེ་ལྕེའི་སྒོ་ནས་བསྲེག་རྫས་རྣམས་རྩ་སྔགས་ཁོ་ནས་ཕུལ། དེ་མ་ཐུབ་ན་ཞག་བདུན་སོགས་སུ་ཡི་གེ་བརྒྱ་པ་ཅི་མང་བཟླས་ན་ལྷ་གཟི་བྱིན་བསྐྱེད་པ་དང་སྦྱིན་བསྲེག་མ་བྱས་པའི་ཉེས་པ་ཁེགས་པས་གལ་ཆེ་གསུངས།
དེ་ནས་ལྷག་མ་མན་ཆད་གཞུང་ལྟར་བྱ་ཞིང་། ལྷག་མ་བཙོན་དུ་བཟུང་བ་ཐམས་ཅད་ཀྱང་དེ་དུས་ཕྱི་རོལ་དུ་ཁྱེར་ནས་གཏོར་སྣོད་ཁ་ནང་བསྟན་དུ་སྤུངས། དེ་ཡང་མི་གཏོར་བར་སྤུང་ངེར་བླུགས། སྣོད་ཀྱང་བཤལ་ནས་དེ་ཕྱོགས་མཆོད། བསྐུལ་བ། རྒྱུན་བཞག་གི་ཆད་ཐོ་དང་། བསྟན་མ་གཤེགས། རྟ་བྲོ། གསོལ་ཁ་རྒྱས་པར་མཆོད་དེ་རྒྱུན་བཞག་གི་བཀའ་སྲུང་གཏོར་མ་རྣམས་ཡང་ཐོག་སོགས་གཙང་སར་གཤེགས། གསོལ་ཁའི་གཏོར་མ་འདབ་ཆགས་ཁོ་ནའི་སྤྱོད་ཡུལ་ལས་ཁྱིས་མི་ཟ་བར་འབུལ་བར་གནད་ཆེ་གསུང་། དེ་ཡང་རྒྱུན་བཞག་གི་ཆད་བསྟན་དང་བཀའ་སྲུང་གཏོར་མ་རྣམས་སྒྲུབ་པ་ཕྱི་མའི་ཆེད་དུ་འཇོག་པའམ། གསར་བཞེངས་ནུས་ན་སྐབས་འདིར་མཆོད་གཤེགས་བྱ་བ་ཡིན། གཏང་རག་མཆོད་བསྟོད། ནོངས་བཤགས། བརྟན་བཞུགས།
ཧོཿ ཆུ་ལས་ཆུ་བུར་སོགས་ཀྱིས་བདག་བསྐྱེད་དམ་ཚིག་གི་འཁོར་ལོ་བསྡུ་ཞིང་གཉུག་མ་ལྷར་ལྡང་།
དེ་ནས་ཐོ་འགྲོལ་བ་ནི།
སྒྲུབ་པ་པོ་རང་ཉིད་སྒོ་མཚམས་སུ་ནང་ཁོགས་ནས་ཞལ་ཕྱིར་ཕྱོགས་ཏེ། རྒྱལ་ཐོའི་མདུན་དུ་གཏོར་མཆོད་གསེར་སྐྱེམས་བཅས་བཤམས་ལ་ཆབ་བྲན།
རཾ་ཡཾ་ཁཾ་
གིས་བསངས་སྦྱངས།
ཨོཾ་ཨཱཿཧཱུྃ་ཧོཿས་བརླབ།
རྒྱལ་པོ་ཆེན་པོ་སྟེ་བཞི་དཔུང་དང་བཅས་པ་བཞུགས་བཞིན་པ་རྣམས་མངོན་སུམ་ལྟ་བུར་མདུན་དུ་འཁོད་པར་བསམ་ལ།
ཨཱོཾ་དྷྲྀ་ཏ་རསྟྲ་ཧཱུྃ་ཛཿ ཨཱོཾ་བེ་རུ་དྷ་ཀ་ཧཱུྃ་ཛཿ ཨཱོཾ་བེ་རུ་བཱཀྵ་ཧཱུྃ་ཛཿ ཨཱོཾ་བཻ་ཤྲ་མ་ཎ་ཧཱུྃ་ཛཿ ས་པ་རི་ཝཱ་ར་བཛྲ་ཨརྒྷཾ་པཱདྱཾ་པུཥྤེ་དྷཱུཔེ་ཨཱ་ལོ་ཀེ་གནྡྷེ་ནཻ་ཝི་དྱ་ཤཔྟ་པྲ་ཏཱི་ཙྪ་སྭཱ་ཧཱས་མཆོད།
ཨཱོཾ་དྷྲྀ་ཏ་རསྟྲ་ཧཱུྃ་ཛཿ ཨཱོཾ་བེ་རུ་དྷ་ཀ་ཧཱུྃ་ཛཿ ཨཱོཾ་བེ་རུ་བཱཀྵ་ཧཱུྃ་ཛཿ ཨཱོཾ་བཻ་ཤྲ་མ་ཎ་ཧཱུྃ་ཛཿ
ས་པ་རི་ཝཱ་ར་ཨོཾ་ཨ་ཀཱ་རོ་མུ་ཁཾ་སརྦ་དྷརྨ་ནཱཾ་ཨཱ་དྱ་ནུ་ཏྤནྣ་ཏྭ་ཏ་ཨཱོཾ་ཨཱཿཧཱུྃ་ཕཊ་སྭཱ་ཧཱ
སོགས་བཏགས་པ་ལན་གསུམ་གྱིས་གཏོར་མ་འབུལ། ལྷུག་འདོན་གྱིས།
མ་རྙེད་ཡོངས་སུ་མ་ཚང་དང་། །
གང་ཡང་ནུས་པ་མ་མཆིས་པ། །
འདིར་ནི་བགྱི་བ་གང་ནོངས་པ།
དེ་ཀུན་ཁྱོད་ཀྱིས་བཟོད་མཛད་རིགས། །
ཅེས་དང་ཡི་གེ་བརྒྱ་པས་ནོངས་པ་བཤགས།
ཨཱོྃ། ཁྱེད་ཀྱིས་སེམས་ཅན་དོན་ཀུན་མཛད། །
རྗེས་སུ་མཐུན་པའི་དངོས་གྲུབ་སྩོལ། །
སངས་རྒྱས་ཡུལ་དུ་གཤེགས་ནས་ཀྱང་། །
སླར་ཡང་འབྱོན་པར་མཛད་དུ་གསོལ། །
བཛྲ་མུཿས་གཙོ་བོ་དང་།
གཙྪ་གཙྪ་སྭ་བྷཱ་ཝ་ནཾ།
ཞེས་པས་འཁོར་དང་བཅས་པ་རང་རང་གི་གནས་སུ་དགྱེས་བཞིན་གཤེགས་པར་བསམ། བཀྲ་ཤིས་གང་རུང་བརྗོད་ཅིང་མེ་ཏོག་འཐོར། ཐོ་བླང་ལ་དབེན་སར་བཞག མཆོད་གཏོར་སོགས་གཙང་སར་གཤེགས། རང་མལ་དུ་བཞུགས་ཏེ།
ཧོཿ དུས་གསུམ་བསགས་པའི་
སོགས་བསྔོ་སྨོན་མཚམས་སྦྱོར་དང་བཀྲ་ཤིས་བཅས་ཀྱིས་ལེགས་པར་གྲུབ་བོ། །
དེ་ནས་ཞག་གསུམ་གནས་གཞན་དུ་མི་རྒྱུ་ཞིང་རང་མལ་དུ་གཞན་མི་འཇུག་པར་རྗེས་སྲུང་བྱས་ཏེ་རིམ་པས་བླ་མ་དང་མཆེད་གྲོགས་སོགས་ཐོག་མར་དམ་གཙང་དང་འཕྲད་ནས་མཚམས་ལས་སེང་བར་བྱའོ།
འོན་ཏེ་སྒྲུབ་པ་གཞན་མུ་མཐུད་པ་ཡིན་ན་ལྷག་ཆད་ཁ་སྐོང་གི་སྦྱིན་བསྲེག་དང་རྒྱལ་ཐོ་བཀྲོལ་ཆོག་མི་བྱ་བར། སྒྲུབ་བ་ཕྱི་མ་དཔལ་ཆེན་འདུས་པ་ལ་འཇུག་དགོས་པས་དེའི་དཀྱིལ་འཁོར་གྱི་བཅའ་གཤོམ་ཉེར་བསྡོགས་བྱས་ནས། ཐོ་རངས་དངོས་གྲུབ་བླངས་པའི་དགོང་མོའམ། ཉིན་གཅིག་གི་རྗེས་སུ་དབུ་འཛུགས་དགོས་སོ།
