Prayer for Lama Chöying and Yönten—Tibetan

༄༅། །བླ་མ་ཆོས་དབྱིངས་དང་སྒྲུབ་པ་ཡོན་ཏན་གྱིས་བསྐུལ་བའི་གསོལ་འདེབས།

རྗེ་སྐུ་གསུམ་གྱི་བདག་ཉིད་བླ་མ་ལ། །

ཡིད་གདུང་བ་དྲག་པོས་གསོལ་བ་འདེབས། །

ཕ་ཁྱེད་ཀྱི་ཐུགས་རྗེས་མ་གཟིགས་ན། །

མི་བདག་ལ་རེ་ས་གཞན་ན་མེད། །

ང་ཆོས་སྒོ་ལ་ཞུགས་ནས་ད་ལྟའི་བར། །

སེམས་མི་འཇིགས་གཏད་སོའི་གདེང་མི་འདུག །

ད་ལྟ་རང་ཤི་ན་ཅི་ཞིག་བྱ། །

ཆོས་སྙིང་ནས་བྱེད་པ་ཞིག་བྱིན་གྱིས་རློབས། །

སྡོམ་གསུམ་ལ་བརྩོན་པ་བྱས་ཁུལ་ཀྱང་། །

བདག་འཛིན་གཏན་ནས་མ་ཆོད་པས། །

འཁོར་བ་ལས་ཐར་ཐབས་ཅི་ཞིག་ཡོད། །

བདག་མེད་རྟོགས་པ་ཞིག་བྱིན་གྱིས་རློབས། །

སྒྲུབ་ལ་མི་ཚེ་ཕུད་ན་ཡང་། །

དུག་མཉམ་ཕྱོགས་ཙམ་མ་མཐོང་བས། །

ཚེ་འདིར་སངས་རྒྱས་ག་ལ་འགྲུབ། །

བསྐྱེད་རྫོགས་མྱུར་དུ་སྨིན་པ་ཞིག་བྱིན་གྱིས་རློབས། །

ར་རྡ་བེ་ཧུ་བླ་མ་ཆོས་དབྱིངས་དང་སྒྲུབ་པ་ཡོན་ཏན་གྱིས་བསྐུལ་ངོར་མཆོག་གྱུར་གླིང་པས་བྲིས་པ་དགེ །