Abandoning Ninefold Activity—Tibetan

༄༅། །སྒོ་གསུམ་གྱི་བྱ་བ་དགུ་ཕྲུགས་སུ་བཏང་བ།

སྒོ་གསུམ་གྱི་བྱ་བ་དགུ་ཕྲུགས་སུ་བཏང་བ་ནི། ལུས་ཀྱི་ཕྱིའི་བྱ་བ་ཚོང་དང་སོ་ནམ་ལ་སོགས་པ་འདུ་འཛི་དང་གཡེང་བ། ནང་གི་བྱ་བ་ཐུན་མོང་གི་ཆོས་ཕྱག་དང་སྐོར་བ་ལ་སོགས་པ། གསང་བའི་བྱ་བ་ཐུན་མོངས་མ་ཡིན་པའི་ཕྱག་རྒྱ་གར་ལ་སོགས་པ་སྟེ། མདོར་ན་གཡོ་བྱེད་ལུས་ཀྱི་སྤྲོས་པ་མཐའ་དག་བཏང་ཞིང་། ངག་གི་ཕྱིའི་བྱ་བ་ལོང་གཏམ་ཚིག་རྩུབ་ལ་སོགས་པ་འཇིགས་རྟེན་ཐ་མལ་བའི་ངག་གི་སྨྲ་བརྗོད། ནང་གི་བྱ་བ་ཐུན་མོང་གི་འདོན་ཟློས་ཁ་ཏོན། གསང་བའི་བྱ་བ་ཐུན་མོང་མ་ཡིན་པའི་བཟླས་བརྗོད་བསྙེན་སྔགས་ལ་སོགས་པ་སྟེ། མདོར་ན་སྨྲ་བརྗོད་ངག་གི་འཇུག་པ་མཐའ་དག་བཏང་ལ། སེམས་ཀྱི་ཕྱིའི་བྱ་བ་འཇིགས་རྟེན་གྱི་རྣམ་རྟོག ནང་གི་བྱ་བ་ཐུན་མོང་གི་ཆོས་ལ་རྟོག་དཔྱོད་དང་བསམ་མནོ། གསང་བའི་བྱ་བ་ཐུན་མོང་མ་ཡིན་པའི་བསྐྱེད་རིམ་ལ་སོགས་པའི་བློས་བྱས་ཀྱིས་སྒོམ་པ་ཐམས་ཅད་དེ། མདོར་ན་དྲན་བསམ་ཡིད་འཕྲོ་འདུ་ཐམས་ཅད་བཏང་ལ། སྒོ་གསུམ་དལ་བ་བསྟེན་པར་བྱའོ་ཞེས་གསུངས།