Three-Kāya Maṇḍala Offering—Tibetan

༄༅། །མཎྜལ་ཞིང་ཁམས་སྒོ་འབྱེད་བཞུགས།

སྟོང་གསུམ་འཇིག་རྟེན་བྱེ་བ་ཕྲག་བརྒྱའི་ཞིང་། །

རི་རབ་གླིང་བཞི་གླིང་ཕྲན་འབྱོར་པས་བརྒྱན། །

ས་གཞིའི་ཁྱོན་ཀུན་གང་བའི་ཞིང་ཁམས་འབུལ། །

འགྲོ་ཀུན་སྤྲུལ་སྐུའི་ཞིང་ལ་སྤྱོད་པར་ཤོག །

འོག་མིན་བདེ་ཆེན་ཚངས་པའི་རྔ་སྒྲའི་ཞིང་། །

ཀུན་བཟང་མཆོད་སྤྲིན་འདོད་ཡོན་ལྷ་མོས་བརྒྱན། །

བར་སྣང་ཁྱོན་ཀུན་གང་བའི་ཞིང་ཁམས་འབུལ། །

འགྲོ་ཀུན་ལོངས་སྐུའི་ཞིང་ལ་སྤྱོད་པར་ཤོག །

འོད་གསལ་ལྷུན་གྲུབ་རྡོ་རྗེ་སྙིང་པོའི་ཞིང་། །

འོད་ལྔ་བརྡལ་བ་སྐུ་དང་ཐིག་ལེས་བརྒྱན། །

ནམ་མཁའི་ཁྱོན་ཀུན་གང་བའི་ཞིང་ཁམས་འབུལ། །

འགྲོ་ཀུན་ཆོས་སྐུའི་ཞིང་ལ་སྤྱོད་པར་ཤོག །

ཅེས་ཆོས་ལོངས་སྤྲུལ་གསུམ་གྱི་མཎྜལ་ཞིང་ཁམས་སྒོ་འབྱེད་ཅེས་བྱ་བ་འདི་ནི་བཤད་སྒྲུབ་བསྟན་པ་འཛིན་པའི་སློབ་བུ་བསྟན་འཛིན་རས་པས་བསྐུལ་ངོར་༧བྱ་བཏང་ཚོགས་དྲུག་རང་གྲོལ་གྱིས་གནས་ཆེན་གངས་རི་ནས་སྦྱར་བའོ།། །།