Spontaneously Arisen Long-Life Prayer—Tibetan

༄༅།   །ཐོལ་བྱུང་ཞབས་བརྟན་སྨོན་ལམ།

ད་ལྟའི་ཤེས་རིག་མ་འགགས་ས་ལེ་བ།  །

མགོན་པོ་ཚེ་དཔག་མེད་པ་དེ་ཀའོ།  །

ཅིར་ཡང་མ་གྲུབ་སྟོང་དབྱིངས་གསང་ཡེ་མོ།  །

སྐལ་ལྡན་སློབ་མ་རྣམས་ཀྱི་ངོར།   །

ཇི་སྲིད་འཁོར་བ་མ་སྟོང་བར་དུ་བཞུགས་པར་གསོལ།

བླ་མ་མཁྱེན།

ལན་གསུམ།

བླ་མ་བཀའ་དྲིན་ཅན་མཁྱེན།

དེ་ལྟར་དུ་འགྲུབ་པར་བྱེད་པ་ལ་བླ་མ་དཀོན་མཆོག་གསུམ་པོ་མཁྱེན།

རྩ་བའི་བླ་མ་མཁྱེན།

བླ་སློབ་མི་འབྲལ་རྒྱུན་དུ་འགྲོགས་གྱུར་ཅིག  །

བཤད་སྒྲུབ་བསྟན་པ་ཡུན་དུ་གནས་པར་ཤོག  །

འོད་གསལ་རྫོགས་པ་ཆེན་པོའི་བདེན་སྟོབས་ཀྱིས།   །

མྱུར་དུ་འགྲུབ་པར་བྱིན་གྱིས་བརླབ་ཏུ་གསོལ།   །

དེ་ལྟར་འགྲུབ་པར་བྱེད་པ་ལ།

བླ་མ་མཁྱེན།

བླ་མ་མཁྱེན།

བླ་མ་མཁྱེན།

བླ་མ་དཀོན་མཆོག་གསུམ་པོ་མཁྱེན།

ཞེས་པ་འདི་ཉིད་སྐལ་ལྡན་སློབ་མ་རྣམས་ཀྱི་ངོར་རྫོགས་པ་ཆེན་པོའི་རྣལ་འབྱོར་པ་མཁན་མུན་སེལ་གྱིས་གང་ཤར་དགོངས་པའི་རྩལ་ལས་ཐོལ་བྱུང་དུ་སྤེལ་བའོ།།   དགེའོ།།   །།