The Story of Lady Mong—Tibetan

༄༅། །མོང་ཚང་གི་མནའ་མ།

ལེས་ཆན་ཞེས་པའི་ཡུལ་དུ་མོང་གི་མནའ་མར་སྐབས་ཤིག་ནད་དྲག་པོ་ཞིག་གིས་མནར་བར་གྱུར། དེའི་སྐབས་སུ་རབ་བྱུང་བ་ཞིག་གིས་མོ་དམ་པའི་ལྷ་ཆོས་ཀྱི་ཕྱོགས་སུ་བསྐུལ་བར་མཛད། དེ་ནས་བཟུང་མོས་ཀྱང་ཁ་འདོན་དགེ་སྦྱོར་ལ་འབད་པ་བྱས་སོ། །ལོ་གསུམ་གྱི་རྗེས་སུ་ཉིན་ཞིག་མོས་བཟའ་ཟླ་ལ་ཁྱོད་ཀྱི་ཡུལ་མི་གྲོགས་པོ་གཉེན་ཉེ་རྣམས་ལ་བདག་ཚེ་ཕྱི་མར་འགྲོ་རན་པས་སྐྱེལ་མ་མཛད་རོགས་ཞེས་བཤད་རོགས་ཞེས་སྨྲས། ཁོས་ཀྱང་ཀུན་ལ་དེ་སྐད་བཤད། མོའི་ཕ་ཕྱོགས་ཀྱི་ཕུ་ནུ། མ་ཕྱོགས་ཀྱི་ཉེ་བ། གྲོགས་དགའ་མཛའ། ཡུལ་མི་ཀུན་ཁོང་ཚང་དུ་འདུས མོས་ཁོ་ཚོ་ལ་སངས་རྒྱས་ལ་མཆོད་པ་ཕུལ་བ་དང་འོད་མཚན་འདོན་ཏེ་སྐྱེལ་མ་མཛོད་ཅེས་སྨྲས། ཀུན་གྱིས་དེ་ལྟར་མཛད། དེའི་སྐབས་སུ་ནམ་མཁའ་ནས་ཕྱག་རྟེན་འཛིན་མཁན་གྱི་རབ་བྱུང་ཞིག་གིས་བུ་མོ་ཁྱོད་བདེ་བ་ཅན་དུ་འགྲོ་བར་གྱིས་ཞེས་གསུངས། ཅུང་ཙམ་ནས་སངས་རྒྱས་དང་བྱང་སེམས་མང་པོ་བྱོན་ཏེ་ནམ་མཁའ་ཀུན་གང་བར་གྱུར། ནམ་མཁའ་ནས་ལྷའི་མེ་ཏོག་གི་ཆར་ཆེན་པོ་བབས་བཞིན་མོ་ཚེ་ལས་འདས་སོ།། མཁན་མོ་ཟླ་བ་སྒྲོལ་མས་རྒྱ་ནག་གི་ཡི་གེ་ལས་བོད་ཡིག་ཏུ་བསྒྱུར།