The Story of Lady Fe—Tibetan

༄༅། །ཕེ་ཚང་གི་མནའ་མ།

ཧྥེན་ཡང་ཞེས་པའི་ཡུལ་གྲུ་ཞིག་ན་རུས་ཕེ་ཚང་ལ་མནའ་མ་ཞིག་ཡོད་པ་དེས་ཚེ་གང་ལ་བློ་རྩེ་འོད་དཔག་མེད་ལ་གཏད་དེ་འོད་མཚན་བཏོན། གྲངས་ཡང་སྲན་མ་ཆུང་ངུ་ཡིས་བགྲང་པར་བྱས་ཏེ་སྲན་ཆུང་བསགས་པ་ན་བྲེ་བཅུ་གསུམ་གང་བར་གྱུར། ཚེ་ལས་འདས་སྐབས་མོས་ཁྱིམ་མི་རྣམས་ལ་སངས་རྒྱས་རྣམས་ཀྱིས་བདག་ལ་པདྨའི་གདན་གནང་སོང་བས་བདག་ད་བདེ་བ་ཅན་འགྲོ་རན་ཞེས་བཤད་ནས་ལུས་ཚུགས་བསྲང་སྟེ་ཚེ་ལས་འདས། དེ་མ་ཐག་ཏུ་ནམ་མཁའ་ནས་མེ་ཏོག་སྣ་ལྔའི་ཆར་བ་བབས་པ་སོགས་བཀྲ་ཤིས་པའི་ལྟས་བཟང་བར་མི་ཀུན་གྱིས་མཐོང་ཆོས་སུ་གྱུར། མཁན་མོ་ཟླ་བ་སྒྲོལ་མས་རྒྱ་ནག་གི་ཡི་གེ་ལས་བོད་ཡིག་ཏུ་བསྒྱུར།།