Prayer to Jamyang Gyaltsen—Tibetan

༄༅། །ཀུན་མཁྱེན་ཆོས་ཀྱི་རྒྱལ་པོའི་གསུང་པོད་བཅུ་གསུམ་པ་ལྗགས་ལུང་གནང་སྐབས་ཀྱི་གསོལ་འདེབས།

ན་མོ་གུ་རུ་ཝཱ་གཱི་ཤྭ་ར་མཉྫུ་གྷོ་ཥ་དྷྭ་ཛ་ཡ།

འཇ༵མ་དབྱང༵ས་བླ་མའི་བྱིན་རླབས་སྤྲིན་ཕུང་ལས། །

མདོ་སྔགས་ནོར་བུའི་གྲུ་ཆར་ལྷུག་པར་འཇོ། །

ཀུན་དགའི་བསྟན་པའི་རྒྱལ༵་མཚན༵་རྩེར་བཀོད་པ། །

དཔལ་ལྡན་བླ་མའི་ཞབས་ལ་གསོལ་བ་འདེབས། །

གཞན་ཕན་བྱམས༵་པའི༵་དཔལ༵་དང་ལྡན༵་པའི་མཆོག །

ཤེས༵་རབ༵་གསུམ་གྱིས་ཆོས་ཚུལ་རྣམ་པར་འབྱེད། །

ཡང་དག་ལྟ་སྒོམ་སྤྱོད་པའི་ཁང་བཟང་དུ། །

རྟེན་བཅས་བཤེས་གཉེན་ཆེན་པོར་གསོལ་བ་འདེབས། །

བདག་སོགས་ཚུལ་ཁྲིམས་རྣམ་པར་དག་པ་དང་། །

ངེས་འབྱུང་བྱང་ཆུབ་སེམས་གཉིས་རྒྱུད་ལ་སྐྱེ། །

རིམ་གཉིས་ལམ་གྱི་བགྲོད་པར་མཐར་ཕྱིན་ནས། །

ཆོས་ཀྱི་རྒྱལ་པོའི་གོ་འཕང་ཐོབ་པར་ཤོག །

ཅེས་པའང་རྗེ་བླ་མ་དྲྭ་སྒང་ཆོས་སྡེར་ཀུན་མཁྱེན་ཆོས་ཀྱི་རྒྱལ་པོའི་གསུང་པོད་ ༡༣ ལྗགས་ལུང་གནང་སྐབས་ཞལ་སློབ་རྣམས་ཀྱི་གསུང་བསྐུལ་ངོར། ཆོས་ཀྱི་བློ་གྲོས་པས་གསོལ་བ་བཏབ་པ་སིདྡྷི་རསྟུ། །