Trulshik Pawo Dorje Long-Life Prayer—Tibetan

༄༅། །འཁྲུལ་ཞིག་བདེ་ཆེན་དཔའ་བོ་རྡོ་རྗེའི་ཞབས་བརྟན།

ན་མོ་གུ་རུ།

མཆོག་གསུམ་རྩ་གསུམ་རབ་འབྱམས་རྒྱ་མཚོ་ཡི།    །

ཐུགས་རྗེ་བྱིན་རླབས་བདེན་པའི་མཐུ་སྟོབས་ཀྱིས།    །

དཔལ་ལྡན་བླ་མའི་སྐུ་ཚེའི་བར་ཆད་སོལ།    །

རྟག་བརྟན་འགྱུར་མེད་ཡུན་དུ་འཚོ་གཞེས་གསོལ།    །

གཟུང་འཛིན་འཁྲུལ༵་པ་ཀ་དག་དབྱིངས་སུ་ཞིག༵    །

རང་གྲོལ་བདེ༵་ཆེན༵་དཔའ༵་བོ༵འི་དབང་ཕྱུག་ཆེ།    །

ལྷ་མིན་བདུད་ཀྱི་སྡེ་ལས་རྣམ་རྒྱལ་ནས།    །

ཞབས་པད་རྡོ༵་རྗེ༵འི་ཆོས་བདུན་བརྟན་བཞུགས་གསོལ།    །

བསྟན་དང་འགྲོ་བའི་དཔུང་གཉེན་མཆོག་གྱུར་གང་།    །

གསང་བ་གསུམ་གྱི་འགལ་རྐྱེན་ཉེར་ཞི་ནས།    །

དཔལ་ཆེན་བཛྲ་ཀུ་མཱ་ར་ཉིད་དང་།    །

དབྱེར་མེད་བརྟན་བཞུགས་བཀྲ་ཤིས་དགེ་ལེགས་ཤོག  །

ཅེས་པའང་མེ་བྱ་ས་ཟླའི་ཚེས་བཅོ་ལྔ་ལ་བཀྲ་ཤིས་པའི་ལྷ་རེག་དང་།  སྐུ་གསུང་ཐུགས་གཡོ་མེད་བཞུགས་མཚོན་རྡོར་དྲིལ།  ད་ཁྲུས་རྒྱས་པའི་མདངས་ལྡན་བཅས་མཁྱེན་བརྩེའི་སྤྲུལ་མིང་པས་ཕུལ།།    །།