Lightning Band of Faith—Tibetan

༄༅། །ཐུགས་དམ་རྒྱུད་བསྐུལ་གྱི་གླུ་དད་པའི་གློག་ཞགས་བཞུགས་སོ། །

ཨ་ཧོ།
གནས་བྱིན་རླབས་ཅན་རྔ་ཡབ་དཔལ་རི་ན། །
ཕ་རྩ་གསུམ་ཀུན་འདུས་གུ་རུ་རྗེ། །
འཁོར་རིག་འཛིན་གྲུབ་ཐོབ་རྒྱ་མཚོས་བསྐོར། །
བདག་མོས་པའི་བུ་ཡིས་གསོལ་བ་འདེབས། །

དུས་དེང་སང་སྲིན་པོའི་གྲོང་ཁྱེར་འདྲ། །
ཞག་རེ་བཞིན་མི་རྟག་ངང་ཚུལ་སྟོན། །
མི་ཐམས་ཅད་དགེ་སྡིག་གོ་ལོག་སྤྱོད། །
རྗེ་ཐུབ་པའི་བསྟན་པ་དབུ་འཕང་སྨད། །
རྒྱུད་མི་བསྲུན་ནག་ཕྱོགས་ཀླ་ཀློས་འཚེ། །
ཆོས་བྱེད་པ་ཀུན་གྱི་སྲོག་རྩ་གཅོད། །
བསྟན་འགྲོ་བ་ཡོངས་ཀྱི་བདེ་སྐྱིད་འཕྲོག།
དཔལ་བསོད་ནམས་ཀྱི་རྟེན་མཆོག་ཐམས་ཅད་བཅོམ། །
གདོན་འབྱུང་པོ་ཐམས་ཅད་སྣ་འདྲེན་བྱེད། །
དེའི་རྐྱེན་གྱིས་མི་འདོད་སྣ་དགུས་གཙེས། །

དུས་འདི་འདྲར་ཨོ་རྒྱན་ཁྱེད་ཀྱིས་གཟིགས། །
རྗེ་པད་འབྱུང་ལ་སྙིང་ནས་གསོལ་འདེབས་ན། །
མཐུ་སྟོབས་དང་ཐུགས་རྗེའི་རྩལ་ཤུགས་ཕྱུངས། །
རྐྱེན་ངན་པ་ཐམས་ཅད་བཟློག་ཏུ་གསོལ། །

བོད་གངས་རིས་བསྐོར་བའི་ལྗོངས་ཆེན་གྱི། །
སྐྱབས་གཅིག་ཆོག་པདྨ་འབྱུང་གནས་མཁྱེན། །
རྗེ་ཁྱེད་ལས་རེ་ས་གཞན་མེད་པས། །
དུས་ད་ལྟ་ཉིད་དུ་བྱིན་གྱིས་རློབས། །

མེ་ཁྱི་ནག་ཟླའི་ཚོས་ ༢༥ ལའོ།། །།