Ḍākinī’s Delight—Tibetan

༄༅། །ཚོགས་གླུ་ཌཱ་ཀི་དགྱེས་རོལ་བཞུགས།

ཨ་ཧོ་ཡེ།

རྔ་ཡབ་དཔལ་རི་པད་འོད་སྤྲུལ་སྐུ་ཡི་ཞིང་ཁམས།  །

རྡོ་རྗེའི་བླ་མ་པདྨ་འབྱུང་གནས་དེ་མཁྱེན་ནོ།  །

མ་གཅིག་ཌཱ་ཀི་ཡེ་ཤེས་མཚོ་རྒྱལ་དེ་མཁྱེན་ནོ།  །

པད་འབྱུང་ཡབ་ཡུམ་ཐུགས་རྗེས་འབྲལ་མེད་དུ་གཟིགས་ཤིག །

ལས་སྨོན་སྐལ་པ་ལྡན་པས་གསོལ་བ་ཞིག་འདེབས་ན།  །

བདེ་ཆེན་ཐར་པའི་ཞིང་དུ་ད་ལྟ་རང་དྲངས་མཛོད།  །

མ་ལུས་འགྲོ་བ་འདྲེན་པའི་དེད་དཔོན་དུ་གྱུར་ཅིག །

སྙན་འགྱུར་གདུང་བའི་དབྱངས་ཀྱིས་ཉིན་མཚན་དུ་འབོད་ན།  །

མ་ཡིས་བུ་ལ་བརྩེ་བཞིན་མངོན་སུམ་དུ་འདིར་བྱོན།  །

སྐུ་གསུང་ཐུགས་དང་ཡེ་ཤེས་རྡོ་རྗེ་ཡི་བྱིན་ཆེན།  །

ད་ལྟ་ཉིད་དུ་སྩོལ་བའི་དངོས་གྲུབ་ཞིག་ཞུ་ན།  །

བུ་ཡི་ལུས་ངག་ཡིད་གསུམ་བྱིན་གྱི་རང་རློབས་ཤིག །

ཅེས་པའང་ཆོས་ཀྱི་བློ་གྲོས་པས་སོ།།   །།