Prayer to Lekpa Rinpoche—Tibetan

༄༅། །ལེགས་པ་རིན་པོ་ཆེའི་གསོལ་འདེབས།

དུས་གསུམ་རྒྱལ་བའི་ཡེ་ཤེས་སྒྱུ་མའི་འཕྲུལ། །

བདུད་འདུལ་མཐུ་ཆེན་རྡོ་རྗེ་ནག་པོ་ཆེ། །

དེང་འདིར་བདག་གི་མགོན་གཅིག་ཆོས་ཀྱི་རྗེ། །

ངག་དབང་ལེགས་པའི་ཞབས་ལ་གསོལ་བ་འདེབས། །

རྗེ་བཙུན་བླ་མའི་རྣམ་པར་ཐར་པ་ལ། །

སྐྱོན་དུ་འཛིན་པའི་རྟོག་པ་མི་སྐྱེས་ཞིང་། །

ཅི་མཛད་ལེགས་པར་མཐོང་བའི་མོས་གུས་ཀྱིས། །

བྱིན་རླབས་སེམས་ལ་འཇུག་པར་བྱིན་གྱིས་རློབས། །

བླ་མ་མཆོག་གསུམ་ལྷ་ཡི་བྱིན་མཐུ་དང་། །

དམ་ཅན་སྲུང་མ་རྒྱ་མཚོའི་མཐུ་སྟོབས་ཀྱིས། །

དཔལ་མགོན་བླ་མའི་ཞབས་པད་བརྟན་པ་དང་། །

འཕྲིན་ལས་དར་ཞིང་རྒྱས་པར་མཛད་དུ་གསོལ། །

བླ་མ་རྫོགས་པའི་སངས་རྒྱས་ལ། །
མོས་གུས་ཐོབ་པའི་སློབ་མ་ཡིས། །
ས་ག་ཟླ་བའི་དཀར་ཕྱོགས་ཀྱི། །
རྒྱལ་བ་གསུམ་པར་བྲིས་པ་དགེ། །།